Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 6 | |
6:1 | И рече Господь к Моисею, глаголя: |
6:2 См.: 🔗Чис. 5:6 | душа яже аще согрешит, и презрев презрит заповеди Господня, и солжет к другу о вдании, или о общине, или о хищении, или преобиде чим ближняго, |
6:3 См.: 🔗Исх. 23:4 🔗Втор. 22:1 | или обрете погубленое, и солжет о нем, и кленется в неправду о единем от всех, яже аще сотворит человек яко согрешити в них: |
6:4 | и будет егда согрешит и преступит, и отдаст похищеное, еже похити, или обиду, еюже преобиде, или вдание, еже вдано бысть ему, или погибшее, еже обрете: |
6:5 См.: 🔗Исх. 22:1 🔗Лк. 19:8 | от всякия вещи, еяже ради кляся в неправду, и да отдаст самое то истое, и пятую часть свою приложит ктому: егоже есть, тому да отдаст, в оньже день обличится: |
6:6 См.: 🔗Чис. 5:8 | и о преступлении своем да принесет Господу овна от овец непорочна, ценою в немже прегреши: |
6:7 См.: 🔗Лев. 4:26 | и да помолится жрец о нем пред Господем, и оставится ему за едино от всех, яже сотвори и преступи в нем. |
6:8 | И рече Господь к Моисею, глаголя: |
6:9 См.: 🔗Исх. 29:38 | заповеждь Аарону и сыном его, глаголя: сей закон всесожжения: сие всесожжение на горении его на олтари всю нощь до заутра, и огнь олтаря да горит на нем, и не угасает: |
6:10 См.: 🔗Исх. 28:42 | и да облечется жрец в срачицу льняну, и надраги льняны да возвлечет на тело свое, и да изнесет принос, егоже аще изжжет огнь всесожжения от олтаря, и да поставит близ олтаря: |
6:11 См.: 🔗Лев. 4:12 | и да совлечет ризы своя, и да облечется в ризы ины, и да изнесет принос вне полка на место чисто: |
6:12 См.: 🔗2Мак. 1:22 | и огнь на олтари да горит на нем и не угасает: и да возжжет на нем жрец дрова по вся утра, и да возкладет нань всесожжение, и да возложит нань тук спасения: |
6:13 | и огнь всегда да горит на олтари, не угасает: |
6:14 См.: 🔗Лев. 2:1 🔗Чис. 15:4 | сей закон жертвы, юже принесут сынове Аарони жерцы пред Господем, прямо олтаря: |
6:15 См.: 🔗Лев. 1:9 | и да возмет от него (жрец) горсть муки пшеничны жертвенныя с елеем ея и со всем ливаном ея, сущими на жертве: и да вознесет на олтарь принос в воню благовония, в память ея Господу: |
6:16 | оставшееся же от нея снест Аарон и сынове его: пресна да снедятся в месте святе, в притворе скинии свидения да снедят я: |
6:17 | да не испечется квасна: часть сию дах им от приносов Господних: святая святых суть, якоже еже о гресе, и якоже еже о преступлении: |
6:18 | всяк мужеск пол жреческ да снедят ю: законно вечно в роды вашя от принос Господних: всяк, иже аще прикоснется им, освятится. |
6:19 | И рече Господь к Моисею, глаголя: |
6:20 | сей дар Аарону и сыном его, егоже принесут Господу в день, в оньже аще помажеши его: десятую часть меры ефи муки пшеничны в жертву всегда, пол ея заутра и пол ея в вечер: |
6:21 | на сковраде в елеи да сотворится, спряжену да принесет ю витую жертву от укрухов, жертву в воню благовония Господу: |
6:22 См.: 🔗Пс. 50:21 | жрец помазанный, иже вместо его от сынов его, да сотворит ю: законно вечно, все да совершится: |
6:23 | и всяка жертва жреческа всесожженна да будет и да не снестся. |
6:24 | И рече Господь Бог Моисею, глаголя: |
6:25 См.: 🔗Лев. 4:3 🔗Лев. 17:2 | рцы Аарону и сыном его, глаголя: сей закон согрешения: на месте, на немже закалают всесожжения, да закалают яже греха ради пред Господем: святая (бо) святых суть: |
6:26 См.: 🔗Лев. 6:16 🔗Ос. 4:8 | жрец приносяй ю да снест ю: в месте святе да снестся, в притворе скинии свидения: |
6:27 | всяк прикасайся мяс ея освятится: и емуже аще воскропится от крове ея на ризу, яже аще воскропится на ню, да исперется на месте святе: |
6:28 См.: 🔗Лев. 8:31 🔗Иез. 46:24 | и сосуд глинян, в немже варится, да разбиется: аще же в медян сосуде сварится, да изтрет его, и измыет водою: |
6:29 См.: 🔗Лев. 7:6 | всяк мужеск пол в жерцех да снест ю: святая (бо) святых суть Господу: |
6:30 См.: 🔗Лев. 4:5 🔗Евр. 13:11 | и вся, яже от гресе аще принесутся от крове их в скинию свидения, ко очищению во святыни, да не снедятся, огнем да сожгутся. |