Книга Притчей Соломоновых, глава 16

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1 См.: 🔗Иер. 10:23	Человеку предложение сердца: и от Господа ответ языка.
16:2	Вся дела смиреннаго явленна пред Богом, и укрепляяй духи Господь.
16:3 См.: 🔗Пс. 36:5 🔗1Пет. 5:7	Приближи ко Господу дела твоя, и утвердятся помышления твоя.
16:4 См.: 🔗Иов. 21:30 🔗Рим. 11:36	Вся содела Господь Себе ради: нечестивии же в день зол погибнут.
16:5 См.: 🔗Прит. 8:13	Нечист пред Богом всяк высокосердый: в руку же руце влагаяй неправедно не обезвинится.
16:6 См.: 🔗Неем. 5:15	Начало пути блага, еже творити праведная, приятна же пред Богом паче, нежели жрети жертвы.
16:7 См.: 🔗Сир. 6:17 🔗1Пет. 3:13	Ищай Господа обрящет разум со правдою:
16:8	праве же ищущии его обрящут мир.
16:9	Вся дела Господня со правдою: хранится же нечестивый на день зол.
16:10 См.: 🔗3Цар. 3:27	Пророчество во устнех царевых, в судищи же не погрешат уста его.
16:11 См.: 🔗Прит. 11:1 🔗Прит. 20:10	Превеса мерила правда у Господа: дела же Его мерила праведная.
16:12 См.: 🔗Прит. 20:28 🔗Прит. 25:5	Мерзость цареви творяй злая: со правдою бо уготовляется престол началства.
16:13	Приятны царю устне праведны, словеса же правая любит Господь.
16:14 См.: 🔗Есф. 7:7 🔗Прит. 20:2	Ярость царева вестник смерти: муж же премудр утолит его.
16:15	Во свете жизни сын царев: приятнии же ему яко облак позден.
16:16 См.: 🔗Иов. 28:15	Угнеждения премудрости избраннее злата: вселения же разума дражайши сребра.
16:17	Путие жизни укланяются от злых: долгота же жития путие праведни. Приемляй наказание во благих будет, храняй же обличения умудрится. Иже хранит своя пути, соблюдает свою душу: любяй же живот свой щадит своя уста.
16:18 См.: 🔗Есф. 3:1 🔗Прит. 18:13 🔗Дан. 4:27	Прежде сокрушения предваряет досаждение, прежде же падения злопомышление.
16:19	Лучше кроткодушен со смирением, нежели иже разделяет корысти с досадительми.
16:20 См.: 🔗Пс. 33:9 🔗Ис. 30:18 🔗Иер. 17:7	Разумный в вещех обретатель благих, надеяйся же на Господа блажен.
16:21	Премудрыя и разумныя злыми наричут, сладции же в словеси множае услышани будут.
16:22	Источник животен разум стяжавшым, наказание же безумных зло.
16:23	Сердце премудраго уразумеет яже от своих ему уст, во устнах же носит разум.
16:24	Сотове медовнии словеса добрая, сладость же их изцеление души.
16:25 См.: 🔗Прит. 14:12	Суть путие мнящиися прави быти мужу, обаче последняя их зрят во дно адово.
16:26	Муж в трудех труждается себе и изнуждает погибель свою: строптивый во своих устах носит погибель.
16:27 См.: 🔗Пс. 7:16 🔗Иак. 3:6	Муж безумен копает себе злая и во устнах своих сокровищствует огнь.
16:28 См.: 🔗Прит. 15:18	Муж строптивый разсылает злая, и светилник льсти вжигает злым, и разлучает други.
16:29	Муж законопреступен прельщает други и отводит их в пути не благи.
16:30 См.: 🔗Прит. 6:13 🔗Прит. 10:10	Утверждаяй очи свои мыслит развращенная, грызый же устне свои определяет вся злая: сей пещь есть злобы.
16:31 См.: 🔗Прит. 20:29 🔗Тит. 2:2	Венец хвалы старость, на путех же правды обретается.
16:32 См.: 🔗Прит. 19:11	Лучше муж долотерпелив паче крепкаго, (и муж разум имеяй паче земледелца великаго:) удержаваяй же гнев паче вземлющаго град.
16:33 См.: 🔗Нав. 7:14	В недра входят вся неправедным: от Господа же вся праведная.