Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗3Цар. 2:12 🔗Прит. 1:1 | Глаголы Екклесиаста, сына Давидова, царя Израилева во Иерусалиме. |
1:2 См.: 🔗Еккл. 12:8 🔗2Кор. 4:18 | Суета суетствий, рече Екклесиаст, суета суетствий, всяческая суета. |
1:3 См.: 🔗Еккл. 2:22 | Кое изюбилие человеку во всем труде его, имже трудится под солнцем? |
1:4 | Род преходит и род приходит, а земля во век стоит. |
1:5 | И восходит солнце и заходит солнце и в место свое влечется, сие возсиявая тамо. |
1:6 | Идет к югу и обходит к северу, обходит окрест, идет дух и на круги своя обращается дух. |
1:7 См.: 🔗Сир. 40:11 | Вси потоцы идут в море, и море несть насыщаемо: на место, аможе потоцы идут, тамо тии возвращаются ити. |
1:8 См.: 🔗Прит. 27:20 | Вся словеса трудна, не возможет муж глаголати: и не насытится око зрети, ни исполнится ухо слышания. |
1:9 | Что было, тожде есть, еже будет: и что было сотвореное, тожде имать сотворитися: |
1:10 | и ничтоже ново под солнцем. Иже возглаголет и речет: се, сие ново есть: уже бысть в вецех бывших прежде нас. |
1:11 | Несть память первых, и последним бывшым не будет их память с будущими на последок. |
1:12 | Аз Екклесиаст бых царь над Израилем во Иерусалиме |
1:13 | и вдах сердце мое, еже взыскати и разсмотрити в мудрости о всех бывающих под небесем: яко попечение лукаво даде Бог сыном человеческим, еже упражднятися в нем. |
1:14 | Видех всяческая сотворения сотворенная под солнцем: и се, вся суетство и произволение духа. |
1:15 | Развращенное не может исправитися, и лишение не может изчислитися. |
1:16 См.: 🔗3Цар. 3:12 | Глаголах аз в сердцы моем, еже рещи: се, аз возвеличихся и умножих мудрость паче всех, иже быша прежде мене во Иерусалиме, |
1:17 См.: 🔗Еккл. 7:25 | и сердце мое вдах, еже ведети премудрость и разум: и сердце мое виде многая, премудрость и разум, притчи и хитрость: уразумех аз, яко и сие есть произволение духа: |
1:18 | яко во множестве мудрости множество разума, и приложивый разум приложит болезнь. |