Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 13 | |
13:1 См.: 🔗Суд. 2:11 🔗Суд. 3:7 | И приложиша еще сынове Израилевы творити зло пред Господем: и предаде я Господь в руку Филистимску четыредесять лет. |
13:2 См.: 🔗Нав. 15:33 🔗Суд. 16:31 | И бяше муж един от Сараи, от племене Данова, имя же ему Маное: и жена ему бяше неплоды и не раждаше. |
13:3 См.: 🔗Суд. 2:1 🔗Быт. 18:10 | И явися Ангел Господень к жене и рече к ней: се, ты неплоды и не раждала еси, и зачнеши и родиши сына: |
13:4 См.: 🔗Чис. 6:3 | и ныне блюдися, и не пий вина и сикера, и не яждь всякаго нечистаго: |
13:5 См.: 🔗Чис. 6:5 | яко се, ты во утробе приимеши и родиши сына: и железо на главу его не взыдет, яко назорей Богови будет сие отроча от чрева: и сей начнет спасати Израиля из руки Филистимли. |
13:6 См.: 🔗Лк. 1:12 | И вниде жена и рече мужу своему, глаголющи: человек Божий прииде ко мне, и образ его яко образ Ангела Божия, страшен зело: и вопрошах его, откуду еси? И имене своего не поведа ми, |
13:7 | и рече мне: се, ты во утробе зачнеши и родиши сына: и ныне не пий вина, ни сикера, и не яждь всякаго нечистаго, яко назорей Богу будет отрочищь от утробы даже до дне смерти своея. |
13:8 См.: 🔗Быт. 25:21 | И помолися Маное ко Господу и рече: во мне, Господи, человек Божий, егоже послал еси, да приидет еще к нам и наставит ны, что сотворим отрочати раждающемуся. |
13:9 | И послуша Бог молитвы Маноевы: и прииде паки Ангел Божий к жене, сия же седяше на селе, и Маное муж ея не бяше с нею. |
13:10 | И потщася жена, и текши скоро поведа мужу своему, и рече к нему: се, явися мне муж, иже приходил в день он ко мне. |
13:11 | И востав иде Маное вслед жены своея, и прииде к мужу и рече ему: ты ли еси муж глаголавый к жене (моей)? И рече Ангел: аз. |
13:12 | И рече Маное: ныне убо да приидет слово твое, кий будет суд отрочате, и что дела его? |
13:13 | И рече Ангел Господень к Маною: от всех, яже глаголах к жене, да сохранится: |
13:14 | от всего, еже исходит из винограда, да не яст, и вина и сикера да не пиет, и всякаго нечистаго да не яст: и вся, елика заповедах ей, да хранит. |
13:15 См.: 🔗Суд. 6:18 | И рече Маное ко Ангелу Господню: да удержим тя зде, и сотворим пред тобою козлище от коз. |
13:16 | И рече Ангел Господень к Маною: аще мя понудиши, не буду ясти хлеба твоего: но аще сотвориши всесожжение Господеви, то вознеси е. Не ведяше бо Маное, яко Ангел Господень той. |
13:17 См.: 🔗Быт. 32:29 | И рече Маное ко Ангелу Господню: что имя твое? Да егда сбудется слово твое, прославим тя. |
13:18 См.: 🔗Ис. 9:6 🔗Ис. 45:15 | И рече ему Ангел Господень: почто сие вопрошаеши имене моего? И то есть чудно. |
13:19 | И взя Маное козлища от коз и жертву, и вознесе на камень Господеви чудная творящему: Маное же и жена его зряста. |
13:20 | И бысть егда пламень взыде выше олтаря даже до небесе, и взыде Ангел Господень в пламени олтаря: Маное же и жена его смотряста, и падоста лицем своим на землю. |
13:21 | И не приложи ктому Ангел Господень явитися Маною и жене его. Тогда уведе Маное, яко Ангел Господень есть. |
13:22 | И рече Маное к жене своей: смертию умрем, яко Бога видехом. |
13:23 | И рече ему жена его: аще бы хотел Господь умертвити нас, не бы взял от рук наших всесожжения и жертвы, и не бы показал нам сих всех, и не бы слышана сия сотворил нам якоже ныне. |
13:24 См.: 🔗Евр. 11:32 | И роди жена сына, и нарече имя ему Сампсон. И возмужа отроча, и благослови е Господь: |
13:25 | и нача Дух Господень ходити с ним в полце Данове, посреде Сараи и посреде Есфаола. |