Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 | У, люте мне! Понеже бых аки собираяй сламу на жатве, и яко пародок во оымании винограда не сущу гроздию, еже ясти первоплодная, яже вожделе душа моя. |
7:2 См.: 🔗Ис. 57:1 | У, люте мне, душе! Яко погибе благочестивый от земли, и исправляющаго в человецех несть: вси во кровех прятся, кийждо ближняго своего озлобляет озлоблением, |
7:3 См.: 🔗Ис. 1:15 | на зло руки своя уготовляют: князь просит, и судия мирная словеса глаголет, желание души его есть: и отиму благая их, |
7:4 | яко моль поядаяй, и ходяй по правилам в день стражбы. У, люте! У, люте! Отмщения Твоя приспеша, ныне будут плачы их. |
7:5 См.: 🔗Сир. 6:7 | Не верите другом, ни надейтеся на старейшины, и от сожителницы твоея хранися, еже сказати ей что: |
7:6 См.: 🔗Мф. 10:21 | понеже сын безчестит отца, дщерь востанет на матерь свою и невеста на свекровь свою, врази вси мужу домашнии его. |
7:7 | Аз же ко Господеви воззрю, потерплю Бога спаса моего, услышит мя Бог мой. |
7:8 См.: 🔗Пс. 26:1 | Не радуйся о мне, враждебница моя, яко падох, и востану: зане аще сяду во тме, Господь осветит мя. |
7:9 | Гнев Господень стерплю, яко согреших Ему, дондеже оправдит прю мою и сотворит суд мой: и изведет мя на свет, и узрю правду Его. |
7:10 См.: 🔗Пс. 78:10 🔗Иоил. 2:17 | И узрит враждебница моя, и облечется в студ глаголющая ко мне: где есть Господь Бог твой? Очи мои воззрят на ню, ныне будет в попрание аки кал на путех. |
7:11 См.: 🔗Ам. 9:11 | День глаждения плинфа: изглаждение твое день оный, и сотрет законы твоя день оный. |
7:12 См.: 🔗Ис. 19:23 | И гради твои приидут на поравнение и в разделение Ассирийско, и гради твои твердии в разделение от Тира даже до реки Сирския, и от моря даже до моря, и от горы даже до горы, дние воды и молвы. |
7:13 | И будет земля в пагубу со живущими на ней, от плодов начинаний их. |
7:14 | Паси люди Твоя жезлом Твоим, овцы наследия Твоего, вселяющыяся едины в дубраве среде Кармила, попасут Васанитиду и Галаадитиду, якоже дние века. |
7:15 См.: 🔗Исх. 12:37 | И по днем исхода твоего из Египта узрите чудесная. |
7:16 | Узрят языцы и усрамятся от всея крепости своея, руце возложат на уста своя, и уши их оглохнут, |
7:17 | полижут персть яко змиеве плежуще по земли, смятутся во облежении своем: о Господе Бозе нашем ужаснутся и убоятся от Тебе. |
7:18 | Кто Бог якоже Ты, отемляй беззакония и оставляяй нечестия останком наследия Своего? И не удержа гнева Своего во свидение, яко Волитель милости есть. |
7:19 | Той обратит и ущедрит ны, и погрузит неправды нашя и ввержет в глубины морския вся грехи нашя, |
7:20 | даст истину Иакову, (и) милость Аврааму, якоже клялся еси отцем нашым во дни первыя. |