Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 12 | |
12:1 См.: 🔗Втор. 11:1 | И сия заповеди и суды, яже снабдите творити на земли, юже Господь Бог отец ваших дает вам в жребий во вся дни, в няже вы жити будете на земли: |
12:2 См.: 🔗Исх. 34:13 | пагубою погубите вся места, в нихже служиша тамо языцы богом своим, яже вы приимете, на горах высоких и холмех и под древом сеновным: |
12:3 | и да раскопаете требища их и сокрушите столпы их, и дубравы их ссечете, и ваяние богов их сожжете огнем, и погубите имя их от места того. |
12:4 | Да не сотворите тако Господу Богу вашему, |
12:5 См.: 🔗Исх. 20:24 | токмо на месте, идеже изберет Господь Бог ваш, во единем от племен ваших, нарещи имя Его тамо и призвати, и взыщете, и внидете тамо: |
12:6 См.: 🔗Ос. 3:4 | и принесете тамо всесожжения ваша, и жертвы вашя, и начатки ваши, и обеты ваши, и вольная ваша, и исповедания ваша, первенцы волов ваших и овец ваших, |
12:7 См.: 🔗Втор. 14:23 | и ясти будете тамо пред Господем Богом вашим и возвеселитеся о всех, на няже возложите руки вашя вы и домове ваши, якоже тя благословил есть Господь Бог твой. |
12:8 | Да не сотворите тамо всех, елика вы творите зде днесь, кийждо угодное пред собою: |
12:9 См.: 🔗Евр. 4:8 | не приидосте бо до ныне в покой и в наследие, еже Господь Бог ваш дает вам. |
12:10 См.: 🔗3Цар. 8:56 | И егда прейдете Иордан и вселитеся на земли, юже Господь Бог ваш даст в наследие вам, и упокоит вас от всех враг ваших, иже окрест вас, и вселитеся со утверждением: |
12:11 | и будет место, иже изберет Господь Бог ваш призвати има Его тамо, ту принесете вся, елика аз заповедаю вам днесь: всесожжения ваша и жертвы вашя, и десятины вашя и начатки рук ваших, и всяк избран дар ваш, елика обещаете Господеви Богу вашему: |
12:12 См.: 🔗Чис. 18:20 🔗Втор. 10:9 | и возвеселитеся пред Господем Богом вашим вы и сынове ваши и дщери ваши, и рабы ваши и рабыни ваши, и левити, иже у врат ваших: яко несть им части ни жребия с вами. |
12:13 См.: 🔗Ос. 8:11 | Внемли себе, да не принесеши всесожжений твоих на всяком месте, еже аще узриши, |
12:14 | токмо на месте, еже изберет Господь Бог твой, в единем от племен твоих, тамо да принесеши всесожжения твоя и тамо сотвориши вся, елика аз заповедаю тебе днесь. |
12:15 См.: 🔗Втор. 14:5 | Но токмо всем желанием души твоея да пожреши, и снеси мяса по благословению Господа Бога твоего, еже даде тебе во всяком граде: нечистый при тебе и чистый вкупе да яст я, яко серну, или еленя. |
12:16 См.: 🔗Быт. 9:4 | Токмо крове да не снесте: на землю пролиете ю, аки воду. |
12:17 См.: 🔗Лев. 27:30 | Не возможеши ясти в градех твоих десятины пшеницы твоея и вина твоего и елеа твоего, первенцов волов твоих и овец твоих, и всех обетове, елики обещаете, и исповеданий ваших, и начатков рук ваших: |
12:18 См.: 🔗Втор. 14:23 | токмо пред Господем Богом твоим да снеси я на месте, еже изберет Господь Бог твой Себе, ты и сын твой и дщерь твоя, и раб твой и раба твоя, и левит, и пришлец иже во градех твоих, и возвеселишися пред Господем Богом твоим во всех, на няже возложиши руку твою. |
12:19 См.: 🔗Втор. 14:27 | Внемли себе, да не оставиши левитина во все время, дондеже еси жив на земли. |
12:20 См.: 🔗Быт. 28:14 🔗Втор. 19:8 | Аще же разширит Господь Бог твой пределы твоя, якоже глагола тебе, и речеши: снем мяса, аще вожделеет душа твоя, яко ясти мяса, во всем желании души твоея да снеси мяса. |
12:21 | Аще же далече отстоит место от тебе, иже изберет Господь Бог твой призывати имя Его тамо, и заколеши от волов твоих и от овец твоих, яже даст тебе Бог твой, якоже заповедах тебе, и снеси во градех твоих по желанию души твоея. |
12:22 См.: 🔗Втор. 15:22 | Якоже ястся серна и елень, тако да снеси е: нечистый при тебе, и чистый такожде да снест. |
12:23 См.: 🔗Лев. 3:17 🔗Лев. 17:14 | Вонми крепце, еже не ясти крове: кровь бо есть душа его: да на снестся душа с мясы: |
12:24 | да не снесте ея, на землю пролиете ю аки воду: |
12:25 | да не снеси ю, да благо тебе будет и сыном твоим по тебе во веки, аще сотвориши се, еже добро и угодно есть пред Господем Богом твоим. |
12:26 | Разве святая твоя, яже аще будут тебе, и обеты твоя взем да приидеши на место, еже изберет Господь Бог твой оное себе призвати имя Его тамо: |
12:27 | и сотвориши всесожжения твоя: мяса да вознесеши на олтарь Господа Бога твоего, кровь же жертв твоих да пролиеши пред степени олтаря Господа Бога твоего, мяса же да снеси. |
12:28 | Снабди и послушай, и да сотвориши вся словеса, яже Аз заповедаю тебе, да благо тебе будет и сыном твоим во веки, аще сотвориши добро и угодно пред Господем Богом твоим. |
12:29 | Аще же потребит Господь Бог твой языки, в няже входиши ты тамо, наследити землю их, от лица твоего, и приимеши ю в наследие, и вселишися в земли их: |
12:30 | внемли себе, да не взыщеши последовати им, по потреблении их от лица твоего, не взыщи богов их, глаголя: якоже творят языцы сии богом своим, сотворю и аз: |
12:31 См.: 🔗Лев. 18:21 🔗4Цар. 16:3 | да не сотвориши Господу Богу твоему тако: мерзостна бо Господеви, яже возненавиде, сотвориша богом своим, яко сыны своя и дщери своя жгут огнем богом своим. |
12:32 См.: 🔗Втор. 4:1 🔗Прит. 30:6 | Всяко слово, еже аз заповедаю тебе днесь, сие снабди творити: да не приложиши к сему, ни отимеши от него. |