Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 22 | |
22:1 См.: 🔗Еккл. 7:1 | Лучше имя доброе, неже богатство много, паче же сребра и злата благодать благая. |
22:2 См.: 🔗Прит. 29:13 | Богат и нищь сретоста друг друга, обоих же Господь сотвори. |
22:3 См.: 🔗Прит. 27:12 | Худог, видев лукаваго мучима крепко, сам наказуется: безумнии же мимошедше отщетишася. |
22:4 | Род премудрости страх Господень, и богатство и слава и живот. |
22:5 См.: 🔗Нав. 23:13 | Волчцы и сети на путех стропотных, храняй же свою душу избежит их. |
22:6 | Богатии убогими имут обладати, |
22:7 См.: 🔗Иак. 2:6 | и раби своим господем взаим дадут. |
22:8 См.: 🔗Иов. 4:8 🔗Ос. 10:12 | Сеявый злая пожнет злая, язву же дел своих совершит. |
22:9 См.: 🔗2Кор. 9:7 | Мужа тиха и даятеля любит Господь, суету же дел его скончает. |
22:10 | Милуяй нищаго сам препитается: от своих бо хлебов даде убогому. Победу и честь устрояет даяй дары, обаче душу погубляет стяжавших. |
22:11 | Изжени от сонмища губителя, и изыдет с ним прение: егда бо сядет в сонмищи, всех безчестит. |
22:12 | Любит Господь преподобная сердца, приятни же Ему вси непорочнии в путех своих: устнама пасет царь (люди своя). |
22:13 См.: 🔗Прит. 26:13 | Очи Господни соблюдают чувство: презирает словеса законопреступный. |
22:14 | Вины ищет и глаголет ленивый: лев на стезях, на путех же разбойницы. |
22:15 | Яма глубока уста законопреступных: возненавиденый же от Господа впадется в ню. Суть путие злии пред мужем, и не любит возвратитися от них: возвратитися же подобает от пути стропотна и злаго. |
22:16 | Безумие висит на сердцы юнаго: жезл же и наказание далече (отгонит) от него. |
22:17 | Обидяй убогаго многая себе зла творит, дает же богатому во оскудение (себе). |
22:18 | Ко словесем мудрых прилагай твое ухо, и услыши моя словеса: свое же сердце утверди (к ним), да разумееши, яко добра суть. |
22:19 | И аще вложиши я в сердце твое, возвеслят тебе купно во твоих устнех. |
22:20 См.: 🔗Прит. 3:5 | Да будет ти на Господа надежда, и покажет ти путь Свой. |
22:21 | Ты же напиши я себе трижды, на совет и смысл и разум, на широте сердца твоего: учу бо тя истинному словеси, и разума благаго слушати на ответы словесем истинным предлагаемым тебе. |
22:22 См.: 🔗Втор. 24:17 🔗Иов. 31:13 | Не насильствуй нищаго, зане убог есть, и не досаждай немощному во вратех: |
22:23 См.: 🔗Прит. 23:11 | Господь бо имать судити его суд, и избавиши твою безбедную душу. |
22:24 См.: 🔗Прит. 15:18 🔗Прит. 29:22 | Не бывай друг мужу гневливу и со другом жестокосердым не соводворяйся: |
22:25 См.: 🔗Прит. 12:13 | да не когда научишися путем его и приимеши тенета души твоей. |
22:26 См.: 🔗Прит. 6:1 | Не вдавайся в поручение, стыдяся лица: |
22:27 См.: 🔗Прит. 20:16 | егда бо не будеши имети чим искупитися, возмут постелю, яже под ребры твоими. |
22:28 См.: 🔗Втор. 19:14 🔗Прит. 23:10 | Не прелагай предел вечных, яже положиша отцы твои. |
22:29 | Прозрителну человеку и острому в делех своих пред царьми подобает стояти, и не стояти пред мужми простыми. |