Книга пророка Исаии, глава 61

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 61
61:1 См.: 🔗Ис. 11:2 🔗Ис. 42:7 🔗Лк. 4:18 🔗Пс. 146:3	Дух Господень на Мне, Егоже ради помаза Мя, благовестити нищым посла Мя, изцелити сокрушенныя сердцем, проповедати пленником отпущение и слепым прозрение,
61:2 См.: 🔗Ис. 63:4 🔗Мф. 5:4 🔗Лк. 6:21	нарещи лето Господне приятно и день воздаяния, утешити вся плачущыя,
61:3 См.: 🔗Ис. 60:21	дати плачущым Сиона славу вместо пепела, помазание веселия плачущым, украшение славы вместо, духа уныния: и нарекутся родове правды насаждение Господне во славу.
61:4 См.: 🔗Ис. 58:12 🔗Иез. 36:34	И созиждут пустыни вечныя, запустевшыя прежде воздвигнут: и обновят грады пустыя, опустошенныя в роды.
61:5 См.: 🔗Ис. 60:10	И приидут инороднии, пасущии овцы твоя, и иноплеменницы орателие и виноградарие ваши:
61:6 См.: 🔗Иер. 33:21 🔗Отк. 1:6 🔗Отк. 21:26	вы же священницы Господни наречетеся, служителие Бога вашего, речется вам: крепость язык снесте и в богатстве их чудни будете.
61:7	Сице землю свою вторицею наследят, и веселие вечное над главою их.
61:8 См.: 🔗Прит. 15:8	Аз бо есмь Господь любяй правду и ненавидяй грабления от неправды: и дам труд их праведником и завет вечен завещаю им.
61:9 См.: 🔗Ис. 65:23 🔗Зах. 8:13	И познается во языцех семя их, и внуцы их посреде людий: всяк видяй я познает я, яко сии суть семя благословено от Бога, и радостию возрадуются о Господе.
61:10 См.: 🔗Ис. 59:17 🔗Мф. 22:11 🔗Пс. 44:10	Да возрадуется душа моя о Господе: облече бо мя в ризу спасения и одеждею веселия (одея мя): яко на жениха возложи на мя венец, и яко невесту украси мя красотою.
61:11 См.: 🔗Ис. 45:8	И яко земля растящая цвет свой, и яко вертоград семена своя прозябает: тако возрастит Господь Господь правду и веселие пред всеми языки.