Книга пророка Осии, глава 9

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1 См.: 🔗Иез. 16:33 🔗Иез. 20:32 🔗Ос. 2:12	Не радуйся, Израилю, ни веселися якоже людие, понеже соблудил еси от Господа Бога твоего: возлюбил еси даяния на всяцем гумне пшеницы.
9:2 См.: 🔗Иоил. 1:12	Гумно и точило не позна их, и вино солга им.
9:3 См.: 🔗Втор. 28:68 🔗4Цар. 25:26 🔗Иер. 43:6	Не вселишася на земли Господни: вселися Ефрем во Египте, и во Ассириах снедят нечистая.
9:4 См.: 🔗Ос. 3:4 🔗Втор. 26:14	Не возлияша Господеви вина, и не усладишася Ему требы их, яко хлеб жалости им: вси ядущии тыя осквернятся: понеже хлебы их душ их, не внидут в дом Господень.
9:5	Что сотворите во днех торжества и в день праздника Господня?
9:6 См.: 🔗Иер. 43:7 🔗Ис. 19:13 🔗Ис. 32:13	Сего ради, се, пойдут от труда Египетска, и приимет их Мемфис, и погребет я махмас: сребро их пагуба наследит, терние во дворех их.
9:7 См.: 🔗Ис. 34:8	Приспеша дние отмщения твоего, приидоша дние воздаяния твоего, и озлобится Израиль, якоже пророк изумленный, человек духом носимый: от множества неправд твоих умножися изумление твое.
9:8 См.: 🔗Иез. 3:17 🔗Иер. 5:31 🔗Ос. 5:1	Страж Ефрем с Богом, пророк пругло строптиво на всех путех его: изумление в дому Божии утвердиша.
9:9 См.: 🔗Суд. 19:22 🔗Суд. 20:13 🔗Ос. 10:9	Растлешася по днем холма: воспомянет неправды их, отмстит грехи их.
9:10 См.: 🔗Чис. 25:3	Якоже грезн в пустыни обретох Израиля и яко стража на смоковнице ранняго увидех отцы их: тии внидоша ко Веельфегору и отчуждишася на стыдение, и быша мерзостнии якоже возлюбленнии.
9:11 См.: 🔗Ис. 16:2	Ефрем яко птица отлете, славы их от порождений и болезней и от зачатий.
9:12 См.: 🔗Втор. 28:41	Темже аще и воскормят чада своя, безчадны будут от человек: понеже и люте им есть, (зане оставих я,) плоть моя от них.
9:13	Ефрем, якоже видех, в ловитву предпоставиша чада своя, и Ефрем еже извести на заколение чада своя.
9:14 См.: 🔗Быт. 49:25	Даждь им, Господи: что даси им? Даждь им утробу неплодящую и сосцы сухи.
9:15 См.: 🔗Ос. 12:11	Вся злобы их во Галгалех, яко тамо их возненавидех за злобы начинаний их: из дому Моего изжену я, (ксему) не приложу любити их:
9:16	вси князи их непокориви. Поболе Ефрем: корение его изсхоша, плода ксему да не принесет: понеже аще и породят, побию вожделенная утроб их.
9:17 См.: 🔗Ос. 4:6	Отринет я Бог, яко не послушаша Его, и будут заблуждающии в языцех.