Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 33 | |
33:1 | И быти слово Господне ко мне глаголя: |
33:2 См.: 🔗4Цар. 9:17 | сыне человечь, глаголи ко сыном людий твоих и речеши к ним: земля, на нюже Аз аще наведу мечь, и поймут людие земли человека единаго от себе и поставят его себе во стража, |
33:3 | и узрит мечь грядущь на землю, и вострубит трубою, и проповесть людем, |
33:4 | и услышит услышавый глас трубы, а не сохранится, и найдет мечь и постигнет его, кровь его на главе его будет: |
33:5 | яко слыша глас трубы и не сохранися, кровь его на нем будет: а сей, понеже сохранися, душу свою избавил. |
33:6 | И страж, аще увидит мечь грядущь, и не вострубит трубою, (и не проповесть людем,) и людие не охранят себе, и нашед мечь возмет от них душу, та убо беззакония ради своего взяся, а крове ея от руки стража взыщу. |
33:7 См.: 🔗Ис. 58:1 🔗Иез. 3:17 | И ты, сыне человечь, во стража дах тя дому Израилеву, и услышиши от уст Моих слово, и проповеси им от Мене. |
33:8 См.: 🔗Иез. 24:8 🔗Деян. 18:6 | Егда реку грешнику: грешниче, смертию умреши: и не будеши глаголати (грешнику), еже сохранитися нечестивому, (еже обратитися ему) от пути своего (и живу быти ему), той беззаконник во беззаконии своем умрет, а крове его от руки твоея взыщу. |
33:9 | Аще же ты проповеси нечестивому путь его, еже обратитися от него, и не обратится с пути своего, той в нечестии своем умрет, а ты душу твою избавил еси. |
33:10 | И ты, сыне человечь, рцы дому Израилеву: сице ресте глаголюще: прелести нашя и беззакония наша в нас суть, и мы в них таем, и како нам живым быти? |
33:11 | Рцы им: живу Аз, глаголет Адонаи Господь, не хощу смерти грешника, но еже обратитися нечестивому от пути своего и живу быти ему: обращением обратитеся от пути вашего злаго: и вскую умираете, доме Израилев? |
33:12 См.: 🔗Иез. 18:24 | И ты, сыне человечь, рцы ко сыном людий твоих: правда праведника не избавит его, в оньже день прельстится: и беззаконие беззаконника не убиет, в оньже день обратится от беззакония своего: и праведник не может спастися в день греха своего. |
33:13 См.: 🔗1Кор. 10:12 | Егда реку праведнику: жизнию жив будеши: сей же уповая на правду свою и сотворит беззаконие, вся правды его не воспомянутся, в неправде своей, юже сотвори, в той умрет. |
33:14 | И егда реку нечестивому: смертию умреши: и обратится от греха своего и сотворит суд и правду, |
33:15 См.: 🔗Исх. 22:26 🔗Втор. 24:13 | и залог отдаст и восхищеное возвратит, беззаконник в заповедех жизни ходити будет, еже не сотворити неправды, жизнию жив будет и не умрет: |
33:16 См.: 🔗Ис. 43:25 🔗Иер. 31:34 | вси греси его, яже согреши, не помянутся: понеже суд и правду сотвори, жив будет в них. |
33:17 См.: 🔗Иез. 18:25 | И рекут сынове людий твоих: неправ путь Господень. И се, путь их неправ. |
33:18 | Егда совратится праведник от правды своея и сотворит беззаконие, и умрет в нем. |
33:19 | И егда грешник возвратится от беззакония своего и сотворит суд и правду, той жив будет в них. |
33:20 | И се есть, еже рекосте: неправ путь Господень. Комуждо по путем его сужду вам, доме Израилев. |
33:21 См.: 🔗4Цар. 25:4 | И бысть во второенадесять лето, месяца вторагонадесять, в пятый день месяца пленения нашего, прииде ко мне от Иерусалима уцелевый глаголя: пленен бысть град. |
33:22 См.: 🔗Иез. 24:27 | И рука Господня бысть на мне в вечер, прежде пришествия его, и отверзе уста моя, дондеже прииде ко мне заутра: и отверзшаяся уста моя не затворишася ктому. |
33:23 | И бысть слово Господне ко мне глаголя: |
33:24 См.: 🔗Рим. 4:13 🔗Ис. 51:2 | сыне человечь, живущии на опустевших местех во земли Израилеве глаголют: един бяше Авраам и одержаше землю, а мы множайшии есмы, нам дана есть земля во одержание. |
33:25 См.: 🔗Втор. 12:23 | Того ради рцы им: сице глаголет Адонаи Господь: понеже с кровию ясте и очи ваши воздвигосте ко кумиром и кровь проливаете, и землю ли наследите? |
33:26 См.: 🔗Иез. 22:11 | Стасте с мечем вашим, сотвористе мерзости, и кийждо жену ближняго своего осквернисте, и тако ли землю имате наследити? |
33:27 См.: 🔗Ам. 9:3 | Того ради рцы им: сия глаголет Адонаи Господь: живу Аз, яко падут мечем сущии во опустевших, и иже на лицы поля, зверем польным предадутся на изядение, и сущыя во градех и иже в пещерах смертию поражу, |
33:28 | и дам землю на опустение, и погибнет гордость крепости ея, и опустеют горы Израилевы, занеже не будет проходящаго: |
33:29 См.: 🔗Иез. 26:6 🔗Иез. 28:24 | и уведят, яко Аз Господь: и сотворю землю их пусту, и опустеет всех ради мерзостей их, яже сотвориша. |
33:30 | И ты, сыне человечь, сынове людий твоих глаголющии о тебе у забрал и во вратех дворов, и глаголют кийждо ко ближнему своему и кийждо ко брату своему, глаголюще: соберимся и услышим исходящая от уст Господних. |
33:31 См.: 🔗Ис. 42:20 🔗Ис. 53:1 | И приходят к тебе, якоже сходятся людие, и седят людие Мои пред тобою, и послушают глаголов твоих, и не сотворят их: понеже лжа во устех их, и вслед скверн их сердце их ходит. |
33:32 | И будеши им яко глас песнивца сладкогласнаго благосличнаго, и услышат глаголы твоя, и не сотворят их. |
33:33 | И егда приидеши, рекут: се, прииде. И уведят, яко пророк бе среде их. |