Псалтирь, псалом 148

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 148
148:1 См.: 🔗Отк. 5:13	Хвалите Господа с небес, хвалите Его в вышних.
148:2 См.: 🔗Лк. 2:13	Хвалите Его вси Ангели Его: хвалите Его, вся силы Его.
148:3	Хвалите Его, солнце и луна: хвалите Его вся звезды и свет.
148:4 См.: 🔗Быт. 1:7 🔗Пс. 101:1	Хвалите Его, небеса небес и вода, яже превыше небес.
148:5 См.: 🔗Быт. 1:6 🔗Пс. 135:5 🔗Иер. 10:12 🔗Иер. 51:15	Да восхвалят имя Господне: яко Той рече, и быша: Той повеле, и создашася.
148:6	Постави я в век и в век века: повеление положи, и не мимо идет.
148:7	Хвалите Господа от земли, змиеве и вся бездны:
148:8 См.: 🔗Иов. 37:10	огнь, град, снег, голоть, дух бурен, творящая слово Его:
148:9	горы и вси холми, древа плодоносна и вси кедри:
148:10	зверие и вси скоти, гади и птицы пернаты:
148:11 См.: 🔗Пс. 48:3	царие земстии и вси людие, князи и вси судии земстии:
148:12	юноши и девы, старцы с юнотами.
148:13 См.: 🔗Ис. 12:4	Да восхвалят имя Господне: яко вознесеся имя Того единаго, исповедание Его на земли и на небеси.
148:14 См.: 🔗Пс. 131:17	И вознесет рог людий Своих: песнь всем преподобным Его, сыновом Израилевым, людем приближающымся Ему.