Книга Левит, глава 3

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 3
3:1 См.: 🔗Лев. 1:3 🔗Лев. 7:11	Аще же жертва спасения дар его Господу, аще убо от говяд е принесет, аще мужеск пол или женск, непорочен да принесет и пред Господа:
3:2 См.: 🔗Исх. 29:16 🔗Лев. 1:5	и возложит руце свои на главу дара, и да заколет и пред Господем у дверий скинии свидения: и да возлиют сынове Аарони жерцы кровь на олтарь всесожжений окрест,
3:3 См.: 🔗Исх. 29:13	и да принесут от жертвы спасения принос Господу, тук покрывающий утробу, и весь тук иже на утробе,
3:4 См.: 🔗Лев. 4:9	и обе почки, и тук иже на них и иже на стегнах, и препонку, яже на печени, с почками отимет:
3:5 См.: 🔗Исх. 29:25 🔗Лев. 1:9 🔗Лев. 6:12	и да вознесут я сынове Аарони жерцы, на олтарь во всесожжения на дрова сущая на огни, яже на олтари: принос воня благовония Господу.
3:6	Аще же от овец дар его жертва спасения Господу, мужеск пол или женск, непорочен да принесет,
3:7	аше агнца принесет дар свой, да приведет его пред Господа,
3:8	и да возложит руку на главу дара своего, и да заколет его у дверий скинии свидения: и да пролиют сынове Аарони жерцы кровь на олтарь окрест,
3:9 См.: 🔗Лев. 4:35	и да принесет от жертвы спасения принос Господу, тук и чресла чиста с лядвиями да отлучит и: и весь тук покрывающий утробу, и весь тук иже на утробе,
3:10	и обе почки, и тук иже на них, иже на стегнах: и препонку, яже на печени, с почками отемь,
3:11 См.: 🔗Лев. 3:16 🔗Иез. 44:7	да вознесет жрец на олтарь: воня благоухания, принос Господви.
3:12	Аще же от козлов дар его Господу, да принесет пред Господа:
3:13	и возложит руце на главу его, и да заколют е пред Господем у дверий скинии свидения: и да пролиют сынове Аарони жерцы кровь на олтарь около:
3:14	и да вознесет от него принос Господу тук покрывающий утробу, и весь тук иже на утробе,
3:15	и обе почки, и весь тук, иже на них, иже на стегнах, и препонку, яже на печени, с почками отлучит:
3:16 См.: 🔗Исх. 29:13	и да вознесет жрец на олтарь, принос воня благовония Господу: весь тук Господу.
3:17 См.: 🔗Быт. 9:4 🔗Лев. 7:23 🔗Втор. 12:16 🔗Деян. 15:20	Законное в веки в роды вашя, во всяком обитании вашем: всякаго тука и всякия крове да не ясте.