Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 2 | |
2:1 См.: 🔗Деян. 4:25 | Вскую шаташася языцы, и людие поучишася тщетным? |
2:2 | Предсташа царие земстии, и князи собрашася вкупе на Господа и на Христа Его. |
2:3 | Расторгнем узы их и отвержем от нас иго их. |
2:4 См.: 🔗Втор. 28:63 🔗Прит. 1:26 | Живый на небесех посмеется им, и Господь поругается им. |
2:5 | Тогда возглаголет к ним гневом Своим и яростию Своею смятет я: |
2:6 | Аз же поставлен есмь Царь от Него над Сионом, горою святою Его, |
2:7 | возвещаяй повеление Господне. Господь рече ко Мне: Сын Мой еси Ты, Аз днесь родих Тя: |
2:8 См.: 🔗Пс. 21:28 | проси от Мене, и дам ти языки достояние Твое, и одержание Твое концы земли: |
2:9 См.: 🔗Отк. 2:27 🔗Отк. 19:15 | упасеши я жезлом железным, яко сосуды скудельничи сокрушиши я. |
2:10 См.: 🔗Прем. 6:2 | И ныне, царие, разумейте, накажитеся вси судящии земли. |
2:11 | Работайте Господеви со страхом, и радуйтеся Ему со трепетом. |
2:12 | Приимите наказание, да не когда прогневается Господь, и погибнете от пути праведнаго, егда возгорится вскоре ярость Его: блажени вси надеющиися Нань. |