Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 144 | |
144:1 См.: 🔗Пс. 46:3 | Вознесу Тя, Боже мой, Царю мой, и благословлю имя Твое в век и в век века. |
144:2 | На всяк день благословлю Тя, и восхвалю имя Твое в век и в век века. |
144:3 См.: 🔗Иов. 5:9 🔗Иов. 36:26 | Велий Господь и хвален зело, и величию Его несть конца. |
144:4 См.: 🔗Втор. 4:10 🔗Втор. 6:7 | Род и род восхвалят дела Твоя и силу Твою возвестят: |
144:5 | великолепие славы святыни Твоея возглаголют и чудеса Твоя поведят: |
144:6 | и силу страшных Твоих рекут и величие Твое поведят: |
144:7 | память множества благости Твоея отрыгнут и правдою Твоею возрадуются. |
144:8 См.: 🔗Исх. 34:6 🔗Пс. 85:15 | Щедр и милостив Господь, долготерпелив и многомилостив. |
144:9 | Благ Господь всяческим, и щедроты Его на всех делех Его. |
144:10 | Да исповедятся Тебе, Господи, вся дела Твоя, и преподобнии Твои да благословят Тя: |
144:11 См.: 🔗Пс. 46:9 | славу царствия Твоего рекут и силу Твою возглаголют, |
144:12 | сказати сыновом человеческим силу Твою и славу великолепия царствия Твоего. |
144:13 | Царство Твое царство всех веков, и владычество Твое во всяком роде и роде: верен Господь во всех словесех Своих и преподобен во всех делех Своих. |
144:14 См.: 🔗Пс. 36:24 | Утверждает Господь вся низпадающыя и возставляет вся низверженныя. |
144:15 См.: 🔗Пс. 103:27 | Очи всех на Тя уповают, и Ты даеши им пищу во благовремении: |
144:16 См.: 🔗Иов. 39:2 | отверзаеши ты руку Твою и исполняеши всякое животно благоволения. |
144:17 | Праведен Господь во всех путех Своих и преподобен во всех делех Своих. |
144:18 См.: 🔗Втор. 4:7 | Близ Господь всем призывающым Его, всем призывающым Его во истине: |
144:19 См.: 🔗Пс. 146:11 | волю боящихся Его сотворит, и молитву их услышит, и спасет я. |
144:20 См.: 🔗1Цар. 2:9 | Хранит Господь вся любящыя Его, и вся грешники потребит. |
144:21 | Хвалу Господню возглаголют уста моя: и да благословит всяка плоть имя святое Его в век и в век века. |