Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 38 | |
38:1 См.: 🔗4Цар. 20:1 🔗2Пар. 32:24 | Бысть же в то время, разболеся Езекиа до смерти. И прииде к нему Исаиа пророк сын Амосов и рече к нему: сия глаголет Господь: устрой о доме твоем, умираеши бо ты и не будеши жив. |
38:2 См.: 🔗Сир. 38:9 | И обрати Езекиа лице свое ко стене и помолися ко Господеви глаголя: |
38:3 См.: 🔗Мф. 5:48 | помяни, Господи, како ходих пред Тобою со истиною и сердцем истинным, и угодная пред Тобою сотворих. И плакася Езекиа плачем великим. |
38:4 | И бысть слово Господне ко Исаии глаголя: |
38:5 См.: 🔗4Цар. 20:5 🔗Евр. 11:34 | иди и рцы Езекии: тако глаголет Господь Бог Давида отца твоего: услышах молитву твою и видех слезы твоя, се, прилагаю к летом твоим лет пятьнадесять, |
38:6 | и от руки царя Ассирийска избавлю тя и град сей, и защищу о граде сем: |
38:7 | сие же тебе знамение от Господа, яко Бог сотворит глаголгол сей, якоже глагола: |
38:8 См.: 🔗Сир. 48:26 | се, аз возвращу сень степеней, имиже сниде солнце десять степеней дому отца твоего, возвращу солнце десять степеней, имиже сниде сень. И взыде солнце десять степеней, имиже сниде сень. |
38:9 | Молитва Езекии царя Иудейска, егда боле и воста от недуга своего. |
38:10 | Аз рекох в высоте дний моих: пойду во врата адова, оставлю лета прочая. |
38:11 | Рекох: ктому не узрю спасения Божия на земли живых, ктому не узрю спасения Израилева на земли, ктому не узрю человека со живущими: |
38:12 См.: 🔗2Пет. 1:13 🔗Иов. 30:22 | остах от сродства моего, оставих прочее живота моего, изыде и отиде от мене аки разрушаяй кущу поткнувый: аки платно дух мой во мне бысть, ткателнице приближающейся отрезати. |
38:13 См.: 🔗Иов. 4:21 | В той день предан бых до заутра аки льву, тако сокруши вся кости моя: от дне бо до нощи предан бых. |
38:14 | Яко ластовица, тако возопию, и яко голубь, тако поучуся: изчезосте бо очи мои, еже взирати на высоту небесную ко Господу, Иже избави мя и отя болезнь души моея: |
38:15 | и Той сотвори путеводство во вся лета моя. |
38:16 | Господи, о той бо возвестися Тебе, и воздвигл еси дыхание мое, и утешився ожих. |
38:17 См.: 🔗Ин. 3:16 🔗Иез. 18:22 | Избавил бо еси душу мою, да не погибнет, и завергл еси за мя вся грехи моя. |
38:18 | Не похвалят бо Тебе, иже во аде, ни умершии возблагословят Тя, и не надеются, иже во аде, милости Твоея. |
38:19 См.: 🔗4Цар. 20:18 | Живии же возблагословят Тя, якоже и аз: отднесь бо дети сотворю, яже возвестят правду Твою, |
38:20 См.: 🔗Пс. 26:6 | Господи спасения моего: и не престану благословя тя с песнию вся дни живота моего прямо дому Божию. |
38:21 | И рече Исаиа ко Езекии: возми от смоквий и сотри, и приложи пластырь на язву и здрав будеши. |
38:22 См.: 🔗Ис. 38:8 | И рече Езекиа: сие знамение, яко взыду в дом Божий. |