Псалтирь, псалом 142

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 142
142:1 См.: 🔗Пс. 5:2 🔗Пс. 16:1	Господи, услыши молитву мою, внуши моление мое во истине Твоей, услыши мя в правде Твоей:
142:2 См.: 🔗Иов. 9:2 🔗Иов. 15:14 🔗Иов. 25:4	и не вниди в суд с рабом Твоим, яко не оправдится пред Тобою всяк живый.
142:3 См.: 🔗1Цар. 23:14	Яко погна враг душу мою: смирил есть в землю живот мой: посадил мя есть в темных, яко мертвыя века.
142:4	И уны во мне дух мой, во мне смятеся сердце мое.
142:5 См.: 🔗Пс. 76:6	Помянух дни древния, поучихся во всех делех Твоих, в творениих руку Твоею поучахся.
142:6 См.: 🔗Пс. 27:2	Воздех к Тебе руце мои: душа моя яко земля безводная Тебе.
142:7 См.: 🔗Пс. 27:1	Скоро услыши мя, Господи, изчезе дух мой: не отврати лица Твоего от мене, и уподоблюся низходящым в ров.
142:8 См.: 🔗Пс. 85:11	Слышану сотвори мне заутра милость Твою, яко на Тя уповах: скажи мне, Господи, путь, в оньже пойду, яко к Тебе взях душу мою.
142:9	Изми мя от враг моих, Господи, к Тебе прибегох.
142:10 См.: 🔗Неем. 9:20	Научи мя творити волю Твою, яко Ты еси Бог мой: Дух Твой благий наставит мя на землю праву.
142:11 См.: 🔗Пс. 26:11 🔗Пс. 141:7	Имене Твоего ради, Господи, живиши мя правдою Твоею: изведеши от печали душу мою:
142:12	и милостию Твоею потребиши враги моя и погубиши вся стужающыя души моей: яко аз раб Твой есмь.