Псалтирь, псалом 20

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 20
20:1	Псалом Давиду.
20:2	Господи, силою Твоею возвеселится царь, и о спасении Твоем возрадуется зело.
20:3 См.: 🔗Пс. 144:19	Желание сердца его дал еси ему, и хотения устну его неси лишил его.
20:4 См.: 🔗Евр. 2:9	Яко предварил еси его благословением благостынным, положил еси на главе его венец от камене честна.
20:5 См.: 🔗Ис. 53:9	Живота просил есть у Тебе, и дал еси ему долготу дний во век века.
20:6	Велия слава его спасением Твоим: славу и велелепие возложиши на него.
20:7 См.: 🔗Ис. 19:24	Яко даси ему благословение во век века: возвеселиши его радостию с лицем Твоим.
20:8	Яко царь уповает на Господа, и милостию Вышняго не подвижится.
20:9 См.: 🔗Мф. 24:51	Да обрящется рука Твоя всем врагом Твоим, десница Твоя да обрящет вся ненавидящыя Тебе.
20:10	Яко положиши их яко пещь огненную во время лица Твоего: Господь гневом Своим смятет я, и снесть их огнь.
20:11 См.: 🔗Пс. 33:17 🔗Ис. 14:22	Плод их от земли погубиши, и семя их от сынов человеческих.
20:12	Яко уклониша на Тя злая, помыслиша советы, ихже не возмогут составити.
20:13	Яко положиши я хребет: во избытцех Твоих уготовиши лице их.
20:14	Вознесися, Господи, силою Твоею: воспоем и поем силы Твоя.