Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 См.: 🔗Аг. 1:1 | в седмый месяц, в двадесять первый месяца, глагола Господь рукою Аггеа пророка глаголя: |
2:2 См.: 🔗Зах. 3:1 | рцы ныне к Зоровавелю Салафиилеву от колена Иудова и ко Иисусу сыну Иоседекову, иерею великому, и ко всем прочиим людем, глаголя: |
2:3 См.: 🔗1Езд. 3:12 | кто от вас, иже виде храм сей в славе его прежней? И како вы видите его ныне якоже не суща пред вами? |
2:4 См.: 🔗Аг. 1:13 | И ныне укрепляйся, Зоровавелю, глаголет Господь, и укрепляйся, Иисусе, сыне Иоседеков, иерею великий, и да укрепляются вси людие земли, глаголет Господь (Вседержитель), и творите: зане Аз с вами есмь, глаголет Господь Вседержитель: |
2:5 | слово, еже завещах с вами, егда исходисте из земли Египетския, и дух Мой настоит посреде вас: дерзайте, зане сице глаголет Господь Вседержитель: |
2:6 См.: 🔗Евр. 12:26 | еще единою Аз потрясу небом и землею, и морем и сушею, |
2:7 | и сотрясу вся языки, и приидут избранная всех языков: и исполню храм сей славы, глаголет Господь Вседержитель. |
2:8 | Мое сребро и Мое злато, глаголет Господь Вседержитель: |
2:9 См.: 🔗Аг. 1:8 | зане велия будет слава храма сего последняя паче первыя, глаголет Господь Вседержитель: и на месте сем дам мир, глаголет Господь Вседержитель, и мир души в снабдение всякому зиждущему, еже возставити церковь сию. |
2:10 | В двадесять четвертый девятаго месяца, во второе лето при Дарии цари, бысть слово Господне ко Аггею пророку глаголя: |
2:11 См.: 🔗Втор. 17:11 🔗Мал. 2:7 | сице глаголет Господь Вседержитель: вопроси иереев закона глаголя: |
2:12 См.: 🔗Лев. 10:10 | аще приимет человек мясо свято вскрай ризы своея, и коснется край ризы его хлеба, или варива, или вина, или масла, или всякаго брашна, еда освятится? И отвещаша священницы и реша: ни. |
2:13 | И рече Аггей: аще прикоснется оскверненый или нечистый душею всякому сих, еда осквернится? И отвещаша иерее и реша: осквернится. |
2:14 | И отвеща Аггей и рече: сице людие сии, и сице язык сей предо Мною, глаголет Господь, и сице вся дела рук их: и иже аще приближится тамо, осквернится за приятия их утренняя, поболят от лица лукавств своих, и ненавидесте во вратех обличающаго. |
2:15 | И ныне положите на сердцах ваших от дне сего и выше, прежде неже положити камень на камени в храме Господни. |
2:16 См.: 🔗Втор. 28:38 🔗Мих. 6:15 | Кто бысте, егда влагасте в мех ячмене двадесять сат, и быша ячмене десять сат? И входисте в подточилие черпати пятьдесят мер, и быша двадесять. |
2:17 См.: 🔗Ам. 4:9 | Поразих вы неплодием и ветротлением и градом вся дела рук ваших, и не обратистеся ко Мне, глаголет Господь. |
2:18 | Устройте же сердца ваша от сего дне и далее, от двадесять четвертаго дне девятаго месяца и от дне, в оньже основася церковь Господня: положите в сердцах ваших, |
2:19 См.: 🔗Зах. 8:12 | аще еще познается на гумне, и аще еще виноград, и смокви, и яблонь, и древа масличная не творящая плода? От дне сего благословлю. |
2:20 | И бысть слово Господне вторицею ко Аггею пророку в двадесять четвертый месяца глаголя: |
2:21 | рцы к Зоровавелю сыну Салафиилеву от колена Иудова глаголя: Аз потрясу небом и землею, и морем и сушею, |
2:22 См.: 🔗Иез. 38:21 🔗Отк. 19:21 | и превращу престолы царей, и потреблю силу царей языческих, и превращу колесницы и всадники, и снидут кони и всадницы их, кийждо во оружии на брата своего. |
2:23 См.: 🔗Сир. 49:13 | В той день, глаголет Господь Вседержитель, прииму тя, Зоровавелю Салафиилев, рабе Мой, глаголет Господь, и положу тя яко печать, понеже тя избрах, глаголет Господь Вседержитель. |