Псалтирь, псалом 98

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 98
98:1 См.: 🔗Пс. 92:1 🔗1Цар. 4:4 🔗2Цар. 6:2	Господь воцарися, да гневаются людие: седяй на Херувимех, да подвижится земля.
98:2	Господь в Сионе велик, и высок есть над всеми людьми.
98:3 См.: 🔗Пс. 94:3 🔗Пс. 110:9	Да исповедятся имени Твоему великому, яко страшно и свято есть.
98:4 См.: 🔗Пс. 102:6	И честь царева суд любит: Ты уготовал еси правоты, суд и правду во Иакове Ты сотворил еси.
98:5 См.: 🔗Ис. 6:3 🔗Отк. 4:8	Возносите Господа Бога нашего и покланяйтеся подножию ногу Его, яко свято есть.
98:6 См.: 🔗Исх. 32:11 🔗Чис. 14:13 🔗1Цар. 12:19	Моисей и Аарон во иереех Его, и Самуил в призывающих имя Его: призываху Господа, и Той послушаше их.
98:7 См.: 🔗Исх. 33:9	В столпе облачне глаголаше к ним: яко храняху свидения Его и повеления Его, яже даде им.
98:8	Господи Боже наш, Ты послушал еси их: Боже, Ты милостив бывал еси им, и мщая на вся начинания их.
98:9 См.: 🔗1Пет. 1:16	Возносите Господа Бога нашего и покланяйтеся в горе святей Его: яко свят Господь Бог наш.