Первая книга Паралипоменон (Первая книга Хроник, Первая Летопись), глава 9

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1 См.: 🔗4Цар. 24:15	И весь Израиль сочтен есть: и се, суть писаны в книзе царей Израилевых и Иудиных со преселившимися в Вавилон за беззакония своя, имиже беззаконноваша.
9:2 См.: 🔗Неем. 11:3	И иже обиташа первее во одержаниих своих во градех Израилевых, священницы и левити и вданнии (на служение).
9:3	И во Иерусалиме обиташа от сынов Иудиных и от сынов Вениаминих и от сынов Ефремлих и Манассииных:
9:4	Уфий сын Амиуды сына Амвриина, сына Амвраимова, сына Ваниина, сына сынов Фареса сына Иудина:
9:5	и от Силона Асаиа первенец его и сынове его:
9:6	от сынов же Зары Иеил и братия их шесть сот и девятьдесят.
9:7	И от сынов Вениаминих: Сахом сын Васоллама, сына Одуиева, сына Сануина:
9:8	и Иевнаа сын Иеровоамов и Елав: и сии сынове Озии сына Махирова: и Мосоллам сын Сафатии, сына Рагуилева, сына Иеваня.
9:9	Братия же их по родом их девять сот пятьдесят шесть, вси мужие князи племенем по домом отечеств своих.
9:10	От священник же Иодаиа и Иоарим, и Иоаким
9:11 См.: 🔗4Цар. 22:8	и Азариа сын Хелкии, сына Мосолламова, сына Садокова, сына Марариофова, сына Ахитова началника дому Божия:
9:12	и Адиам сын Иероамль, сына Фасгора, сына Мелхиаева, и Маасий сын Адиила, сына Езирова, сына Мосолламля, сына Маселимофова, сына Еммарова.
9:13	Братия же их князи по домов отечеств своих, тысяща и седмь сот и шестьдесят, сильни крепостию к деланию служения в дому Божии.
9:14	От левит же Самеиа сын Асувов, сына Езрикамова, сына Савиева от сынов Мерариных,
9:15	Ваквакар же и Арис, и Гареа и Мафаниа сын Михаев, сына Зехри, сына Асафова:
9:16	и Авдиа сын Самеа, сына Галилова, сына Идифуня, и Варахиа сын Ассы, сына Елканова, иже обита во дворех Нетофафовых.
9:17	Дверницы же: Селлум и Акум, и Телмон и Емман, и братия их: Селлум князь.
9:18 См.: 🔗4Цар. 16:18 🔗Иез. 46:1	И даже доселе во вратех царских к востоку: сия врата на ополчения сынов Левииных.
9:19 См.: 🔗Пс. 41:1	И Селлум сын Кореа, сына Авиасафова, сына Кореова: и братия его по дому отечеств их, Кореане над делами служения стрегуще стражбы скинии: а отцы их над полком Господним, стрегуще входа.
9:20 См.: 🔗Чис. 25:11	Финеес же сын Елеазаров бысть вождь их пред Господем, и сии с ним.
9:21	Захариа сын Мосолламов, дверник врат скинии свидения.
9:22 См.: 🔗Пс. 83:11 🔗1Цар. 9:11	Вси избраннии дверницы над враты двести дванадесять, сии в селех своих сочтени: сих постави Давид и Самуил провидец в вере их.
9:23	И сии и сынове их (быша) при вратех дому Господня и в дому скинии стрещи почередно.
9:24	По четырем ветром быша двери к востоку, к западу, к северу, к югу.
9:25	Братия же их, иже живяху в селех своих, прихождаху по седми днех от времене даже до времене (на премену тем):
9:26	понеже четырем дверником сильным вверени быша двери: и левити быша над хранилищи, и над сокровищи дому Божия ополчахуся,
9:27	и окрест дому Божия живяху: яко на них бе стражба их: и сии над ключами, еже утро утро отверзати двери святилища.
9:28	От тех же (бяху) над сосуды служения, по числу бо вношаху сосуды и по числу изношаху я.
9:29	От тех же поставлени над сосуды и над всеми сосуды святыми, и над мукою пшеничною и вином и елеем, и фимиамом и ароматы.
9:30 См.: 🔗Исх. 30:34	От сынов же священнических беша мироварцы, миро соделоваху из аромат.
9:31 См.: 🔗Лев. 2:5	И Маттафиа от левит, сей первенец Селлуму Кореанину, емуже вверена дела жертвы сковрадныя великаго жерца:
9:32 См.: 🔗Исх. 25:30	и Ванеа Каафитянин от братий их над хлебы предложения, еже уготовляти в субботы и субботы.
9:33	И сии псалмопевцы князи отечеств левитских, определени почередно во храминах, повседневно, яко да день и нощь свое служение отслуживают.
9:34	Сии князи отечеств левитских по племенем своим, началницы сии пребываху во Иерусалиме.
9:35 См.: 🔗1Пар. 8:29	В Гаваоне же живяше отец Гаваонь Иеиль: и имя жене его Мааха:
9:36	и сын первенец его Авдон, и Сур и Кис, и Ваель и Нир, и Надав
9:37	и Гедор, и братия его Аиун и Зехриа и Макелоф.
9:38 См.: 🔗1Пар. 8:32	Макелоф же роди Саму: и сии вселишася посреде братий своих во Иерусалиме с братиями своими.
9:39 См.: 🔗1Пар. 8:33	Нир же роди Киса, и Кис роди Саула, и Саул роди Ионафана и Мелхисуа, и Аминадава и Иесваала.
9:40	Сын же Ионафань Мемфиваал: и Мемфиваал роди Миху.
9:41 См.: 🔗1Пар. 8:35	Сынове же Михи: Филоф и Мелхиил, и Фараа и Хааз.
9:42	Хааз же роди Иаду, Иада же роди Алефа и Асмофа и Замвриа: Замврий же роди Месу,
9:43	Меса же роди Ваану: Рафеа сын его, Еласа сын его, Асаил сын его.
9:44 См.: 🔗1Пар. 8:38	Асаилу же (быша) шесть сынов, и сия имена их: Езрикам первенец его, и Исмаил и Азариа, и Авдиа и Анан и Аса: сии сынове асаиловы.