Евангелие от Иоанна, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1	По сих иде Иисус на он пол моря Галилеи Тивериадска:
6:2	и по Нем идяше народ мног, яко видяху знамения Его, яже творяше над недужными.
6:3	Взыде же на гору Иисус и ту седяше со ученики Своими.
6:4 См.: 🔗Исх. 12:18	Бе же близ Пасха, праздник Жидовский.
6:5 См.: 🔗Мф. 14:16 🔗Мк. 6:35 🔗Лк. 9:12	Возвед убо Иисус очи и видев, яко мног народ грядет к Нему, глагола к Филиппу: чим купим хлебы, да ядят сии?
6:6	Сие же глаголаше искушая его: Сам бо ведяше, что хощет сотворити.
6:7	Отвеща Ему Филипп: двема стома пенязей хлебы не довлеют им, да кийждо их мало что приимет.
6:8	Глагола Ему един от ученик Его, Андрей, брат Симона Петра:
6:9	есть отрочищь зде един, иже имать пять хлеб ячменных и две рыбе: но сии что суть на толико?
6:10	Рече же Иисус: сотворите человеки возлещи. Бе же трава многа на месте. Возлеже убо мужей числом яко пять тысящ.
6:11	Прият же хлебы Иисус и, хвалу воздав, подаде учеником, ученицы же возлежащым: такожде и от рыбу, елико хотяху.
6:12	И яко насытишася, глагола учеником Своим: соберите избытки укрух, да не погибнет ничтоже.
6:13 См.: 🔗Мк. 8:19	Собраша же и исполниша дванадесяте кошя укрух от пятих хлеб ячменных, иже избыша ядшым.
6:14 См.: 🔗Втор. 18:15 🔗Мф. 11:3	Человецы же видевше знамение, еже сотвори Иисус, глаголаху, яко Сей есть воистинну Пророк Грядый в мир.
6:15	Иисус убо разумев, яко хотят приити, да восхитят Его и сотворят Его царя, отиде паки в гору един.
6:16	Яко позде бысть, снидоша ученицы Его на море,
6:17 См.: 🔗Мф. 14:22 🔗Мк. 6:47	и влезоша в корабль, и идяху на он пол моря в Капернаум. И тма абие бысть, и не (у) бе пришел к ним Иисус.
6:18	Море же, ветру велию дыхающу, воздвизашеся.
6:19	Гребше же яко стадий двадесять пять или тридесять, узреша Иисуса ходяща по морю и близ корабля бывша, и убояшася.
6:20	Он же глагола им: Аз есмь, не бойтеся.
6:21	Хотяху убо прияти Его в корабль: и абие корабль бысть на земли, в нюже идяху.
6:22	Во утрий (же) народ, иже стояше об он пол моря, видев, яко корабля иного не бе ту, токмо един той, в оньже внидоша ученицы Его, и яко не вниде со ученики Своими Иисус в корабль, но едини ученицы Его идоша:
6:23	и ини приидоша корабли от Тивериады близ места, идеже ядоша хлебы, хвалу воздавше Господеви:
6:24	егда же видеша народи, яко Иисуса не бысть ту, ни ученик Его, влезоша сами в корабли и приидоша в Капернаум, ищуще Иисуса,
6:25	и обретше Его об он пол моря, реша Ему: Равви, когда зде бысть?
6:26	Отвеща им Иисус и рече: аминь, аминь глаголю вам, ищете Мене, не яко видесте знамение, но яко яли есте хлебы и насытистеся:
6:27 См.: 🔗Мф. 3:17 🔗Ин. 1:32 🔗Ин. 10:36	делайте не брашно гиблющее, но брашно пребывающее в живот вечный, еже Сын Человеческий вам даст: Сего бо Отец знамена Бог.
6:28	Реша же к Нему: что сотворим, да делаем дела Божия?
6:29 См.: 🔗Ин. 17:3 🔗1Ин. 3:23	Отвеща Иисус и рече им: се есть дело Божие, да веруете в Того, Егоже посла Он.
6:30	Реша же Ему: кое убо Ты твориши знамение, да видим и веру имем Тебе? Что делаеши?
6:31 См.: 🔗Пс. 77:24 🔗Исх. 16:14 🔗Чис. 11:7 🔗Прем. 16:20 🔗1Кор. 10:3	Отцы наши ядоша манну в пустыни, якоже есть писано: хлеб с небесе даде им ясти.
6:32	Рече убо им Иисус: аминь, аминь глаголю вам, не Моисей даде вам хлеб с небесе, но Отец Мой дает вам хлеб истинный с небесе:
6:33	хлеб бо Божии есть сходяй с небесе и даяй живот миру.
6:34	Реша убо к Нему: Господи, всегда даждь нам хлеб сей.
6:35 См.: 🔗Ин. 4:14 🔗Ин. 7:37	Рече же им Иисус: Аз есмь хлеб животный: грядый ко Мне не имать взалкатися, и веруяй в Мя не имать вжаждатися никогдаже.
6:36	Но рех вам, яко и видесте Мя, и не веруете.
6:37	Все, еже дает Мне Отец, ко Мне приидет, и грядущаго ко Мне не изжену вон:
6:38 См.: 🔗Мф. 26:39 🔗Ин. 8:29	яко снидох с небесе, не да творю волю Мою, но волю пославшаго Мя Отца.
6:39 См.: 🔗Ин. 10:28	Се же есть воля пославшаго Мя Отца, да все, еже даде Ми, не погублю от Него, но воскрешу е в последний день.
6:40	Се же есть воля Пославшаго Мя, да всяк видяй Сына и веруяй в Него имать живот вечный, и воскрешу его Аз в последний день.
6:41	Роптаху убо Иудее о Нем, яко рече: Аз есмь хлеб сшедый с небесе.
6:42 См.: 🔗Мф. 13:55	И глаголаху: не Сей ли есть Иисус сын Иосифов, Егоже мы знаем отца и Матерь? Како убо глаголет Сей, яко с небесе снидох?
6:43	Отвеща убо Иисус и рече им: не ропщите между собою:
6:44	никтоже может приити ко Мне, аще не Отец пославый Мя привлечет его, и Аз воскрешу его в последний день.
6:45 См.: 🔗Ис. 54:13 🔗Иер. 31:34	Есть писано во пророцех: и будут вси научени Богом. Всяк слышавый от Отца и навык, приидет ко Мне.
6:46 См.: 🔗Мф. 11:27	Не яко Отца видел есть Кто, токмо сый от Бога, Сей виде Отца.
6:47	Аминь, аминь глаголю вам: веруяй в Мя имать живот вечный.
6:48	Аз есмь хлеб животный:
6:49 См.: 🔗Ин. 6:31	отцы ваши ядоша манну в пустыни и умроша:
6:50	сей есть хлеб сходяй с небесе, да, аще кто от него яст, не умрет:
6:51	Аз есмь хлеб животный, иже сшедый с небесе: аще кто снесть от хлеба сего, жив будет во веки: и хлеб, егоже Аз дам, Плоть Моя есть, юже Аз дам за живот мира.
6:52	Пряхуся же между собою Жидове, глаголюще: како может Сей нам дати Плоть (Свою) ясти?
6:53 См.: 🔗Мф. 26:26	Рече же им Иисус: аминь, аминь глаголю вам: аще не снесте Плоти Сына Человеческаго, ни пиете Крове Его, живота не имате в себе.
6:54	Ядый Мою Плоть и пияй Мою Кровь имать живот вечный, и Аз воскрешу его в последний день.
6:55	Плоть бо Моя истинно есть брашно, и Кровь Моя истинно есть пиво.
6:56	Ядый Мою Плоть и пияй Мою Кровь во Мне пребывает, и Аз в нем.
6:57	Якоже посла Мя живый Отец, и Аз живу Отца ради: и ядый Мя, и той жив будет Мене ради.
6:58	Сей есть хлеб сшедый с небесе: не якоже ядоша отцы ваши манну и умроша: ядый хлеб сей жив будет во веки.
6:59	Сия рече на сонмищи, учя в Капернауме.
6:60	Мнози убо слышавше от ученик Его, реша: жестоко есть слово сие: (и) кто может Его послушати?
6:61	Ведый же Иисус в Себе, яко ропщут о сем ученицы Его, рече им: сие ли вы блазнит?
6:62 См.: 🔗Мф. 26:64 🔗Ин. 3:13 🔗Еф. 4:8	Аще убо узрите Сына Человеческаго восходяща, идеже бе прежде?
6:63 См.: 🔗Рим. 8:2 🔗2Кор. 3:6	Дух есть, иже оживляет, плоть не пользует ничтоже: глаголголы, яже Аз глаголах вам, дух суть и живот суть:
6:64 См.: 🔗Мк. 2:8 🔗Ин. 2:24	но суть от вас нецыи, иже не веруют. Ведяше бо искони Иисус, кии суть неверующии, и кто есть предаяй Его.
6:65 См.: 🔗Ин. 3:27	И глаголаше: сего ради рех вам, яко никтоже может приити ко Мне, аще не будет ему дано от Отца Моего.
6:66	От сего мнози от ученик Его идоша вспять и ктому не хождаху с Ним.
6:67	Рече же Иисус обеманадесяте: еда и вы хощете ити?
6:68	Отвеща убо Ему Симон Петр: Господи, к кому идем? Глаголголы живота вечнаго имаши,
6:69 См.: 🔗Мф. 16:16 🔗Мк. 8:29 🔗Лк. 9:20	и мы веровахом и познахом, яко Ты еси Христос, Сын Бога живаго.
6:70 См.: 🔗Лк. 6:13	Отвеща им Иисус: не Аз ли вас дванадесяте избрах? И един от вас диавол есть.
6:71	Глаголаше же Иуду Симонова Искариота: сей бо хотяше предати Его, един сый от обоюнадесяте.