Книга Премудрости Иисуса, сына Сирахова, глава 46 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 46
46:1 См.: 🔗Чис. 27:18	Крепок на бранех Иисус Навин и преемник Моисеов бысть во пророчестве:
46:2	иже бысть по имени своему велик на спасение избранных его, мстити востающым (нань) врагом, яко да наследствит Израиля.
46:3 См.: 🔗Нав. 6:1 🔗Нав. 8:21 🔗Нав. 10:1	Коль прославлен бысть воздвижением рук своих, и внегда простираше мечь на грады.
46:4	Кто прежде его сице ста? Брани бо Господни той вождаше.
46:5 См.: 🔗Нав. 10:12	Не рукою ли его воспятися солнце, и един день бысть яко два?
46:6	Призва Вышняго Сильна, егда оскорбляху его врази окрест, и послуша его велий Господь: камением градным силы крепкия
46:7	устреми брань на языки, исхождением погуби противники,
46:8	да познают языцы всеюружие его, яко пред Господем брань его: ибо последова Могутному.
46:9 См.: 🔗Чис. 14:6	И во дни Моисеовы сотвори милость сей и Халев сын Иефонниин, стати противу врага, удержати люди от грех и утолити ропот лукавства:
46:10 См.: 🔗Чис. 26:65	и та два суща спасена быста от шести сот тысящ пешцев, ввести их в наследствие, в землю точащую млеко и мед.
46:11 См.: 🔗Нав. 14:11	И даде Господь Халеву крепость, и даже до старости пребысть у него, взыти ему на высоту земли, и семя его обдержа наследие:
46:12	яко да видят вси сынове Израилевы, яко добро ходити вслед Господа.
46:13	И судии кийждо именем своим, еликих не любодействова сердце, и елицы не отвратишася от Господа, и память их во благословениих:
46:14 См.: 🔗Сир. 49:12 🔗Ис. 66:14	кости их да процветут от места их,
46:15	и имя их пременяемо на сынех, прославленным бывшым им.
46:16 См.: 🔗1Цар. 10:1	Возлюблен Господем своим Самуил пророк Господень устрои царство и помаза князи над людьми его:
46:17 См.: 🔗1Цар. 7:15	законом Господним суди сонму, и посети Господь Иакова:
46:18 См.: 🔗1Цар. 10:9	верою своею испытан бысть пророк, и познан бысть в вере своей верен видением.
46:19 См.: 🔗1Цар. 7:9	И призва Господа Сильна, егда оскорбляху его врази его окрест, приношением агнца ссущаго млеко:
46:20 См.: 🔗1Цар. 7:10	и возгреме с небесе Господь и гласом велиим услышан сотвори глас Свой:
46:21	и потреби Владыки Тирския, и вся князи Филистимския.
46:22 См.: 🔗1Цар. 12:3 🔗Деян. 20:33	И прежде времене успения века свидетелствова пред Господем и христом Его: имения и до сапог от всякия плоти не взях: и не сотвори ему поношения (ни един) человек.
46:23 См.: 🔗1Цар. 28:17	И по успении своем пророчествова и показа цареви кончину его: и вознесе от земли глас свой, пророчеством истребити беззаконие людий.