Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 См.: 🔗Ин. 1:3 | Боже отцев и Господи милости Твоея, сотворивый вся словом Твоим |
9:2 См.: 🔗Быт. 1:26 | и премудростию Твоею устроивый человека, да владеет сотворенными от Тебе тварьми, |
9:3 | и да управляет мир в преподобии и правде, и в правоте души суд да судит: |
9:4 См.: 🔗3Цар. 3:9 🔗2Пар. 1:10 | даждь мне Твоим престолом приседящую премудрость и не отрини мене от отрок Твоих: |
9:5 См.: 🔗Пс. 115:7 | яко аз раб Твой и сын рабыни Твоея, человек немощен и маловременен и умален в разуме суда и законов. |
9:6 | Аще бо кто будет и совершен в сынех человеческих, отсутствующей Твоей премудрости, ни во чтоже вменится. |
9:7 | Ты избрал мя еси царя людем Твоим и судию сыном Твоим и дщерем, |
9:8 | и рекл ми еси создати храм в горе святей Твоей и во граде обитания Твоего олтарь, подобием скинии (Твоея) святыя, юже предуготовал еси от начала. |
9:9 См.: 🔗Прит. 8:22 🔗Ин. 1:3 | И с Тобою премудрость ведущая дела Твоя и присутствующая тогда, егда мир творил еси, и ведущая, что есть угодно пред очима Твоима и что право в заповедех Твоих: |
9:10 | посли ю с небес святых и от престола славы Твоея посли ю: да сущи со мною трудится, и увем, что благоугодно есть пред Тобою: |
9:11 См.: 🔗Ин. 16:13 | весть бо она вся и разумеет, и наставит мя в делех моих целомудренне и сохранит мя во славе своей: |
9:12 | и будут приятна дела моя, и разсужду люди Твоя праведне, и буду достоин престолов отца моего. |
9:13 | Кто бо от человек познает совет Божий? Или кто помыслит, что хощет Бог? |
9:14 | Помышления бо смертных боязлива, и погрешителна умышления наша: |
9:15 | тело бо тленное отягощает душу, и земное жилище обременяет ум многопопечителен. |
9:16 См.: 🔗Ин. 3:12 | И едва разумеваем, яже на земли, и яже в руках обретаем со трудом: а яже на небесех, кто изследи? |
9:17 См.: 🔗Иов. 15:8 | Волю же Твою кто позна, аще бы не Ты дал еси премудрость и послал еси Духа святаго Твоего от высоты? |
9:18 | И тако исправишася стези сущих на земли, и яже Тебе угодна, научишася человецы |
9:19 | и премудростию спасошася. |