Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗Сир. 16:4 🔗Пс. 111:6 | Лучше безчадство со добродетелию: безсмертие бо есть в памяти ея, яко и пред Богом познается и пред человеки: |
4:2 См.: 🔗Ис. 28:5 | присущую бо подражают ю и желают отшедшия, и в веце венценосно чтится нескверных подвигов брань одолевши. |
4:3 См.: 🔗Сир. 23:34 | Многоплодно же нечестивых множество неключимо будет, и прелюбодейная насаждения не дадут корения в глубину, ниже крепко стояние сотворят: |
4:4 См.: 🔗Пс. 36:35 🔗Мф. 7:26 | аще бо и ветви на время процветут, не крепко возшедше от ветра поколеблются и от зелных ветров искоренятся: |
4:5 | сокрушатся ветви несовершенны, и плод их неключимь, оскомен в снедь, и ни во что потребен. |
4:6 | От беззаконных бо снов чада раждаемая свидетелие суть лукавствия на родители во испытании их. |
4:7 | Праведник же аще постигнет скончатися, в покои будет: |
4:8 | старость бо честна не многолетна, ниже в числе лет изчитается: |
4:9 См.: 🔗Прит. 16:31 | седина же есть мудрость человеком, и возраст старости житие нескверно. |
4:10 | Благоугоден Богови быв, возлюблен бысть, и живый посреде грешных преставлен бысть: |
4:11 См.: 🔗3Цар. 14:13 | восхищен бысть, да не злоба изменит разум его, или лесть прельстит душу его. |
4:12 См.: 🔗Мф. 18:7 🔗1Кор. 15:33 | Рачение бо злобы помрачает добрая, и парение похоти пременяет ум незлобив. |
4:13 | Скончався вмале исполни лета долга: |
4:14 См.: 🔗Ис. 57:1 | угодна бо бе Господеви душа его, сего ради потщася от среды лукавствия: |
4:15 См.: 🔗1Пет. 5:7 | людие же видевше и не разумевше, ниже положше в помышлении таковое, яко благодать и милость в преподобных Его и посещение во избранных Его. |
4:16 | Осудит же праведник умираяй живых нечестивых, и юность скончавшаяся скоро долголетную старость неправеднаго. |
4:17 | Узрят бо кончину премудраго и не уразумеют, что усоветова о нем и во что утверди его Господь: |
4:18 | узрят и уничижат его, Господь же посмеется им: |
4:19 См.: 🔗Ис. 66:24 | и будут посем в падение безчестно и во укоризну в мертвых в век: яко расторгнет их безгласны ниц и поколеблет их от оснований, и даже до последних опустеют и будут в болезни, и память их погибнет: |
4:20 См.: 🔗Рим. 2:16 | приидут в помышление грехов своих боязливии, и обличат их противу беззакония их. |