Первое Соборное послание апостола Петра, глава 4

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 4
4:1 См.: 🔗1Пет. 2:21	Христу убо пострадавшу за ны плотию, и вы в ту же мысль вооружитеся: зане пострадавый плотию, преста от греха,
4:2 См.: 🔗2Кор. 5:15 🔗Гал. 2:20	во еже не ктому человеческим похотем, но воли Божией прочее во плоти жити время.
4:3 См.: 🔗Еф. 4:17	Довлеет бо вам мимошедшее время жития, волю языческую творившым, хождшым в нечистотах, в похотех, в мужеложстве, в скотоложстве, в помыслех, в пиянстве, в козлогласованиих, в лихоимании и богомерзких идолослужениих:
4:4 См.: 🔗1Пет. 2:12	о немже дивятся, не сходящымся вам в тоже блуда разлияние, хуляще:
4:5 См.: 🔗2Тим. 4:1	иже воздадят слово готову Сущему судити живым и мертвым.
4:6	На се бо и мертвым благовестися, да суд убо приимут по человеку плотию, поживут же по Бозе духом.
4:7 См.: 🔗Лк. 21:34 🔗Иак. 5:8	Всем же кончина приближися. Уцеломудритеся убо и трезвитеся в молитвах.
4:8 См.: 🔗Прит. 10:12	Прежде же всех друг ко другу любовь прилежну имейте, зане любовь покрывает множество грехов.
4:9 См.: 🔗Рим. 12:13 🔗Флп. 2:14 🔗Евр. 13:2	Страннолюбцы друг ко другу, без роптании.
4:10 См.: 🔗Рим. 12:6	Кийждо якоже прият дарование, между себе сим служаще, яко добрии строителие различныя благодати Божия.
4:11 См.: 🔗Мф. 5:16	Аще кто глаголет, яко словеса Божия: аще кто служит, яко от крепости, юже подает Бог: да о всем славится Бог Иисус Христом, Емуже есть слава и держава во веки веков. Аминь.
4:12 См.: 🔗1Пет. 1:7	Возлюбленнии, не дивитеся еже в вас раждежению ко искушению вам бываему, яко чужду вам случающуся:
4:13 См.: 🔗2Кор. 4:10 🔗Флп. 3:10	но понеже приобщаетеся Христовым страстем, радуйтеся, яко да и в явление славы Его возрадуетеся веселящеся.
4:14 См.: 🔗Мф. 5:11	Аще укоряеми бываете о имени Христове, блажени есте яко Славы и Божий Дух на вас почивает: онеми убо хулится, а вами прославляется.
4:15 См.: 🔗1Пет. 2:19 🔗1Пет. 3:17	Да не кто убо от вас постраждет яко убийца, или яко тать, или яко злодей, или яко чуждопосетитель:
4:16	аще ли же яко Христианин, да не стыдится, да прославляет же Бога в части сей.
4:17 См.: 🔗Иер. 25:29 🔗Иез. 9:6 🔗Лк. 23:31	Яко время начати суд от дому Божия: аще же прежде от вас, кая кончина противящымся Божию Евангелию?
4:18 См.: 🔗Прит. 11:31	И аще праведник едва спасется, нечестивый и грешный где явится?
4:19	Темже и страждущии по воли Божией, яко верну Зиждителю да предадят душы своя во благотворении.