Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 37 | |
37:1 | Псалом Давиду, в воспоминание о субботе. |
37:2 См.: 🔗Пс. 6:2 🔗Иер. 10:24 | Господи, да не яростию Твоею обличиши мене, ниже гневом Твоим накажеши мене: |
37:3 См.: 🔗Втор. 32:23 🔗Иов. 6:4 | яко стрелы Твоя унзоша во мне, и утвердил еси на мне руку Твою. |
37:4 | Несть изцеления в плоти моей от лица гнева Твоего, несть мира в костех моих от лица грех моих. |
37:5 См.: 🔗Пс. 31:4 🔗Иез. 33:10 | Яко беззакония моя превзыдоша главу мою, яко бремя тяжкое отяготеша на мне. |
37:6 | Возсмердеша и согниша раны моя, от лица безумия моего. |
37:7 См.: 🔗Пс. 41:10 | Пострадах и слякохся до конца, весь день сетуя хождах: |
37:8 | яко лядвия моя наполнишася поруганий, и несть изцеления в плоти моей. |
37:9 | Озлоблен бых и смирихся до зела, рыках от воздыхания сердца моего. |
37:10 | Господи, пред Тобою все желание мое, и воздыхание мое от Тебе не утаися. |
37:11 | Сердце мое смятеся, остави мя сила моя, и свет очию моею, и той несть со мною. |
37:12 | Друзи мои и искреннии мои прямо мне приближишася и сташа. |
37:13 | И ближнии мои отдалече мене сташа, и нуждахуся ищущии душу мою: и ищущии злая мне глаголаху суетная, и льстивным весь день поучахуся. |
37:14 | Аз же яко глух не слышах, и яко нем не отверзаяй уст своих: |
37:15 | и бых яко человек не слышай и не имый во устех своих обличения. |
37:16 | Яко на Тя, Господи, уповах, Ты услышиши, Господи Боже мой. |
37:17 | Яко рех: да не когда порадуютмися врази мои: и внегда подвижатися ногам моим, на мя велеречеваша. |
37:18 | Яко аз на раны готов, и болезнь моя предо мною есть выну. |
37:19 См.: 🔗Пс. 31:5 🔗2Кор. 7:10 | Яко беззаконие мое аз возвещу и попекуся о гресе моем. |
37:20 | Врази же мои живут и укрепишася паче мене, и умножишася ненавидящии мя без правды: |
37:21 См.: 🔗Пс. 108:5 | воздающии ми злая воз благая оболгаху мя, зане гонях благостыню. |
37:22 | Не остави мене, Господи Боже мой, не отступи от мене: |
37:23 | вонми в помощь мою, Господи спасения моего. |