Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 6 | |
6:1 См.: 🔗1Кор. 10:12 | Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши. |
6:2 См.: 🔗Ин. 13:34 🔗1Фес. 5:14 | Друг друга тяготы носите, и тако исполните закон Христов. |
6:3 См.: 🔗1Кор. 8:2 | Аще бо кто мнит себе быти что, ничтоже сый, умом льстит себе. |
6:4 | Дело же свое да искушает кийждо, и тогда в себе точию хваление да имать, а не во инем: |
6:5 См.: 🔗Рим. 14:12 🔗1Кор. 3:8 | кийждо бо свое бремя понесет. |
6:6 См.: 🔗Рим. 15:27 🔗1Кор. 9:7 | Да общается же учяйся словеси учащему во всех благих. |
6:7 См.: 🔗Рим. 2:6 | Не льститеся: Бог поругаемь не бывает. Еже бо аще сеет человек, тожде и пожнет: |
6:8 | яко сеяи в плоть свою, от плоти пожнет истление: а сеяи в дух, от духа пожнет живот вечный. |
6:9 См.: 🔗Мф. 24:13 🔗2Фес. 3:13 | Доброе же творяще, да не стужаем си: во время бо свое пожнем, не ослабеюще. |
6:10 | Темже убо, дондеже время имамы, да делаим благое ко всем, паче же к присным в вере. |
6:11 | Видите, колицеми книгами писах вам моею рукою. |
6:12 | Елицы хотят хвалитися по плоти, сии нудят вы обрезатися, точию да не креста ради Христова гоними будут: |
6:13 | ни бо обрезающиися сами закон хранят, но хотят вам обрезоватися, да в вашей плоти похвалятся: |
6:14 См.: 🔗Рим. 6:6 | мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру. |
6:15 См.: 🔗Гал. 5:6 🔗Кол. 3:11 | О Христе бо Иисусе ни обрезание что может, ни необрезание, но нова тварь. |
6:16 См.: 🔗Флп. 3:16 | И елицы правилом сим жительствуют, мир на них и милость, и на Израили Божии. |
6:17 См.: 🔗2Кор. 4:10 | Прочее, труды да никтоже ми дает: аз бо язвы Господа Иисуса на теле моем ношу. |
6:18 | Благодать Господа нашего Иисуса Христа со духом вашим, братие. Аминь. |