Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 6 | |
6:1 | Камо отиде брат твой, добрая в женах? Камо уклонися брат твой? И взыщем его с тобою. |
6:2 См.: 🔗Песн. 5:9 | Брат мой сниде в вертоград свой, в места аромат, паствити в вертоградех и собирати крины. |
6:3 См.: 🔗Песн. 2:16 | Аз брату моему и брат мой мне, пасый в кринех. |
6:4 | Добра еси, ближняя моя, яко благоволение, красна яко Иерусалим, ужас яко вчиненны. |
6:5 | Отврати очи твои от мене, яко тии воскрилиша мя: власи твои, яко стада коз, яже взыдоша от Галаада: |
6:6 См.: 🔗Песн. 4:2 | зубы твои, яко стада остриженых, яже взыдоша от купели, вся близнята родящыя, и безчадныя несть в них: яко вервь червлена устне твои, и беседа твоя красна: |
6:7 См.: 🔗Песн. 4:3 | яко оброщение шипка ланиты твоя, кроме замолчания твоего. |
6:8 См.: 🔗2Кор. 11:2 | Шестьдесят суть цариц и осмьдесят наложниц, и юнот, имже несть числа: |
6:9 | едина есть голубица моя, совершенная моя: едина есть матери своей, избранна есть родившей ю: видеша ю дщери и ублажиша ю, царицы и наложницы, и восхвалиша ю. |
6:10 См.: 🔗Песн. 3:6 | Кто сия проницающая аки утро, добра яко луна, избранна яко солнце, ужас яко вчиненны? |
6:11 | В вертоград орехов снидох видети в плодех потока, видети, аще процвете виноград и возрастоша шипки. |
6:12 | Тамо дам сосца моя тебе: не разуме душа моя, положи мя на колеснице Аминадавли. |