Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 26 | |
26:1 | В начале царства Иоакима сына Иосиина бысть слово сие от Господа: |
26:2 См.: 🔗Втор. 4:2 🔗Прит. 30:6 | тако рече Господь: стани во дворе дому Господня и проповеждь всем Иудеом, входящым кланятися в дом Господень, вся словеса, яже завещах тебе проповедати им, не уйми словесе: |
26:3 См.: 🔗Иер. 18:8 🔗Иоил. 2:13 | негли послушают и отвратятся кийждо от пути своего злаго, и почию от зол, яже помышляю сотворити им злых ради начинаний их. |
26:4 | И речеши: тако рече Господь: аще не послушаете Мене, еже ходити в законех Моих, яже дах пред лицем вашим, |
26:5 См.: 🔗Иер. 7:13 | в послушание словес отрок Моих пророков, ихже Аз посылаю к вам из утра, и послах, и не послушасте Мене, |
26:6 См.: 🔗Иер. 7:14 | и дам дом сей якоже Силом, и град сей дам в клятву всем языком всея земли. |
26:7 | И слышаша жерцы и лжепророцы и вси людие Иеремию глаголюща словеса сия в дому Господни. |
26:8 | И бысть, егда Иеремиа преста глаголати вся, елика завеща ему Господь глаголати всем людем, и яша Иеремию жерцы и лжепророцы и вси людие, глаголюще: смертию да умрет, |
26:9 См.: 🔗Иер. 7:12 | яко прорече имеием Господним, глаголя: якоже Силом будет сей дом, и град сей опустеет от живущих. И собрашася вси людие на Иеремию в дому Господни. |
26:10 См.: 🔗Иер. 36:10 | И слышаша князи Иудины словеса сия, и взыдоша от дому царева в дом Господень и седоша во преддверии врат дому Господня новых. |
26:11 См.: 🔗Плч. 4:13 | И реша жерцы и лжепророцы князем и всем людем, глаголюще: суд смертный человеку сему, яко прорече на сей град, якоже слышасте во ушы ваши. |
26:12 | И рече Иеремиа ко всем князем и ко всем людем, глаголя: Господь посла мя прорещи на дом сей и на град сей вся словеса, яже слышасте: |
26:13 См.: 🔗Иер. 7:3 | и ныне лучшыя сотворите пути вашя и дела ваша и послушайте гласа Господа Бога вашего, и престанет Господь от зол, яже глагола на вы: |
26:14 | и се, аз в руках ваших, сотворите ми якоже угодно и якоже лучше вам является: |
26:15 См.: 🔗Иер. 22:17 🔗Мф. 23:35 | но разумеюще да уразумеете, яко аще убиете мя, кровь неповинну дадите сами на ся и на град сей и на живущыя в нем: яко поистинне посла мя Господь к вам глаголати во ушы ваши вся словеса сия. |
26:16 | И реша князи и вси людие ко жерцем и ко лжепророком: несть человеку сему суд смертный, яко во имя Господа нашего глагола к нам. |
26:17 | И восташа мужие от старейшин земских и реша всему собору людскому, глаголюще: |
26:18 См.: 🔗Мих. 1:1 🔗Мих. 3:12 | Михеа Морафитский бе пророчествуя во дни Езекии царя Иудина и рече всем людем Иудиным, глаголя: тако рече Господь: Сион яко нива изорется, и Иерусалим яко в путь непроходный будет, и гора храма будет в луг дубравный. |
26:19 См.: 🔗Иер. 18:8 🔗Ион. 3:10 | Еда убивая уби его Езекиа царь Иудин и вси людие Иудины? Не убояшалися убо Господа? И понеже помолишася лицу Господню, и почи Господь от зол, яже глаголаше на ня: и мы сотворихом злобы велики на душы нашя. |
26:20 См.: 🔗Суд. 18:12 | И бе человек прорицая именем Господним, Уриа сын Самеов от Кариафиарима, и прорече на град сей и о земли сей по всем словесем Иеремииным. |
26:21 | И слыша царь Иоаким и вси князи вся словеса его и искаху убити его: и слыша Уриа и убояся, и бежа и прииде во Египет. |
26:22 | И посла царь Иоаким мужы во Египет, Елдафана сына Ахорова и мужы с ним во Египет, |
26:23 См.: 🔗Иер. 22:17 | и изведоша его оттуду и приведоша его ко царю, и порази его мечем и вверже его во гроб сынов людий своих. |
26:24 | Обаче рука Ахикама сына Сафаниина бе со Иеремиею, еже не предати его в руце людий, да не убиют его. |