Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 80 | |
80:1 | В конец, о точилех, псалом Асафу. |
80:2 | Радуйтеся Богу помощнику нашему, воскликните Богу Иаковлю: |
80:3 | приимите псалом и дадите тимпан, псалтирь красен с гусльми: |
80:4 См.: 🔗Чис. 10:10 | вострубите в новомесячии трубою, во благознаменитый день праздника вашего: |
80:5 См.: 🔗Исх. 23:17 | яко повеление Израилеви есть, и судба Богу Иаковлю. |
80:6 | Свидение во Иосифе положи е, внегда изыти ему от земли Египетския: языка, егоже не ведяше, услыша. |
80:7 | Отят от бремене хребет его: руце его в коши поработасте. |
80:8 См.: 🔗Исх. 17:6 | В скорби призвал Мя еси, и избавих тя: услышах тя в тайне бурне: искусих тя на воде Пререкания. |
80:9 См.: 🔗Исх. 20:1 🔗Пс. 49:7 | Слышите, людие Мои, и засвидетелствую вам, Израилю, аще послушаеши Мене: |
80:10 | не будет тебе бог нов, ниже поклонишися богу чуждему. |
80:11 | Аз бо есмь Господь Бог твой, изведый тя от земли Египетския: разшири уста твоя, и исполню я. |
80:12 | И не послушаша людие Мои гласа Моего, и Израиль не внят Ми: |
80:13 См.: 🔗Деян. 14:16 | и отпустих я по начинанием сердец их, пойдут в начинаниих своих. |
80:14 См.: 🔗Лев. 26:3 | Аще быша людие Мои послушали Мене, Израиль аще бы в пути Моя ходил: |
80:15 | ни о чесомже убо враги его смирил бых, и на оскорбляющыя их возложил бых руку Мою. |
80:16 | Врази Господни солгаша ему, и будет время их в век: |
80:17 См.: 🔗Втор. 32:13 | и напита их от тука пшенична, и от камене меда насыти их. |