Второзаконие, глава 16

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1 См.: 🔗Исх. 12:18 🔗Лев. 23:5 🔗Чис. 9:2	Храни месяц новых (плодов), и да сотвориши Пасху Господеви Богу твоему, яко в месяце новых изшел еси из Египта нощию.
16:2 См.: 🔗Исх. 12:3 🔗Чис. 28:19 🔗Втор. 12:5	И да пожреши Пасху Господеви Богу твоему, овцы и говяда на месте, еже изберет Господь Бог твой призывати имя Его тамо.
16:3 См.: 🔗Исх. 12:14	Да не снеси в ню кваснаго: седмь дний да яси в ню опресноки, хлеб озлобления, яко со тщанием изыдосте из Египта, да поминаете день исхода вашего от земли Египетския вся дни жития вашего:
16:4 См.: 🔗Исх. 12:10 🔗2Пар. 35:1	да не явится тебе квасно во всех пределех твоих седмь дний, и да не преноществует от мяс, яже пожреши в вечер в первый день, до утрия.
16:5	Не возможеши жрети Пасхи ни в единем от градов твоих, яже Господь Бог твой дает тебе:
16:6 См.: 🔗Мк. 14:13 🔗Лк. 2:41 🔗Исх. 12:6	но токмо на месте, еже изберет Господь Бог твой призывати имя Его ту, тамо пожреши Пасху в вечер при захождении солнца, во время в неже изшел еси из земли Египетския:
16:7 См.: 🔗Исх. 12:9 🔗2Пар. 35:13	и свариши, и испечеши, и снеси на месте, идеже изберет Господь Бог твой: и возвратишися заутра, и пойдеши в дом твой.
16:8 См.: 🔗Исх. 12:15 🔗Лев. 23:8	Шесть дний да яси опресноки, в седмый же день исходный праздник Господеви Богу твоему: да не сотвориши в нем всякаго дела, кроме яже суть души.
16:9 См.: 🔗Лев. 23:15 🔗Чис. 28:26 🔗Лк. 6:1	Седмь седмиц всецелых да сочтеши себе: в начало же твоего серпа на жатву начни исчисляти седмь седмиц,
16:10 См.: 🔗Исх. 23:6 🔗Исх. 34:22 🔗Втор. 26:2	и да сотвориши праздник седмиц Господеви Богу твоему, якоже рука твоя может, елика даст тебе, якоже благослови тя Господь Бог твой.
16:11 См.: 🔗Неем. 8:10	И возвеселишися пред Господем Богом твоим ты и сын твой и дщерь твоя, и раб твой и раба твоя, и левит иже во градех твоих, и пришлец, и сирота и вдова, яже в вас, на месте, идеже изберет Господь Бог твой призывати имя Его тамо:
16:12	и помянеши, яко раб был еси (ты) в земли Египетстей, и сохраниши и сотвориши заповеди сия.
16:13 См.: 🔗Исх. 23:16 🔗Лев. 23:34 🔗3Цар. 8:2	Праздник кущей да сотвориши себе седмь дний, егда собереши от нивы твоея и от точила твоего:
16:14 См.: 🔗Неем. 8:10	и да возвеселишися в празднице твоем ты и сын твой и дщи твоя, раб твой и раба твоя, и левит и пришлец, и сирота и вдова, яже во градех твоих:
16:15	седмь дний да празднуеши Господеви Богу твоему на месте, еже изберет Господь Бог твой призывати имя Его тамо: аще же благословит тя Господь Бог твой во всех плодех твоих и во всяком деле рук твоих, и будеши веселяся.
16:16 См.: 🔗Исх. 23:17 🔗Исх. 34:23 🔗Сир. 35:4	В три времена лета да явится всяк мужеск пол пред Господем Богом твоим, на месте, еже изберет Господь Бог твой: в праздник опресноков, и в праздник седмиц, и в праздник кущей: да не явишися пред Господем Богом твоим тощь:
16:17 См.: 🔗Тов. 4:8	кийждо по силе рук своих, по благословению Господа Бога твоего, еже даде тебе.
16:18 См.: 🔗2Пар. 19:5 🔗Прем. 6:5 🔗Пс. 81:3	Судии и книгочии поставиши себе во всех градех твоих, яже Господь Бог твой дает тебе по племенам, и да судят людем суд праведный:
16:19 См.: 🔗Исх. 23:8 🔗Лев. 19:15 🔗Втор. 1:17 🔗Прит. 24:23 🔗Сир. 20:29 🔗Ин. 7:24 🔗Иак. 2:1	да не уклонят суда, ниже познают лице, ниже да возмут даров: дары бо ослепляют очи мудрых и отмещут словеса праведных.
16:20	Праведне праведное гоните, да поживете, и вшедше наследите землю, юже Господь Бог твой дает вам.
16:21	Да не насадиши себе дубравы: всякаго древа близ олтаря Господа Бога твоего да не сотвориши себе,
16:22 См.: 🔗Лев. 26:1	да не поставиши себе капища, еже возненавиде Господь Бог твой.