Псалтирь, псалом 140

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 140
140:1	Господи, воззвах к Тебе, услыши мя: вонми гласу моления моего, внегда воззвати ми к Тебе.
140:2 См.: 🔗Исх. 29:39 🔗Исх. 30:7	Да исправится молитва моя яко кадило пред Тобою: воздеяние руку моею, жертва вечерняя.
140:3 См.: 🔗Пс. 38:2 🔗Сир. 22:31	Положи, Господи, хранение устом моим и дверь ограждения о устнах моих.
140:4 См.: 🔗3Цар. 8:58 🔗Прит. 1:10	Не уклони сердце мое в словеса лукавствия, непщевати вины о гресех с человеки делающими беззаконие: и не сочтуся со избранными их.
140:5 См.: 🔗Прит. 12:1 🔗Прит. 15:12 🔗Прит. 25:12	Накажет мя праведник милостию и обличит мя, елей же грешнаго да не намастит главы моея: яко еще и молитва моя во благоволениих их.
140:6	Пожерты быша при камени судии их: услышатся глаголи мои, яко возмогоша.
140:7	Яко толща земли проседеся на земли, расточишася кости их при аде.
140:8	Яко к Тебе, Господи, Господи, очи мои: на Тя уповах, не отими душу мою:
140:9 См.: 🔗Пс. 139:6	сохрани мя от сети, юже составиша ми, и от соблазн делающих беззаконие.
140:10 См.: 🔗Пс. 7:16 🔗Пс. 9:16	Падут во мрежу свою грешницы: един есмь аз, дондеже прейду.