Книга Притчей Соломоновых, глава 21

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 21
21:1 См.: 🔗2Пар. 36:22	Якоже устремление воды, тако сердце царево в руце Божией: аможе аще восхощет обратити, тамо уклонит е.
21:2 См.: 🔗Прит. 16:2	Всяк муж является себе праведен: управляет же сердца Господь.
21:3 См.: 🔗Ос. 6:6	Творити праведная и истинствовати угодна Богу паче, нежели жертв кровь.
21:4	Велемудрый во укоризне дерзосерд, светило же нечестивых греси.
21:5 См.: 🔗Прит. 10:4	Помышления тщаливаго во изюбилии, и всяк нерадивый в лишении.
21:6	Делаяй сокровища языком лживым суетная гонит в сети смертныя.
21:7	Всегубителство на нечестивыя устремляется: не хотят бо творити праведная.
21:8	К стропотным стропотныя пути посылает Бог: чиста бо и права дела Его.
21:9 См.: 🔗Прит. 25:24	Лучше жити во угле непокровеннем, нежели в повапленных с неправдою и в храмине общей.
21:10	Душа нечестиваго не помилуется ни от единаго от человеков.
21:11 См.: 🔗Прит. 19:25	Тщету приемлющу невоздержному, коварнейший будет незлобивый, разумеваяй же мудрый приимет разум.
21:12	Разумевает праведный сердца нечестивых и уничтожает нечестивыя в злых.
21:13 См.: 🔗Прит. 3:27	Иже затыкает ушеса своя, еже не послушати немощнаго, и той призовет, и не будет послушаяй его.
21:14 См.: 🔗1Цар. 25:18	Даяние тайно отвращает гневы, щадяй же даров воздвизает ярость крепкую.
21:15	Веселие праведных творити суд: преподобный же нечист у злодеев.
21:16	Муж заблуждаяй от пути правды в сонмищи исполинов почиет.
21:17 См.: 🔗Прит. 23:21	Муж скуден любит веселие, любяй же вино и елей не обогатится.
21:18	Отребие же праведнику беззаконник.
21:19 См.: 🔗Прит. 25:24 🔗Сир. 25:21	Лучше жити в земли пусте, неже жити с женою сварливою и язычною и гневливою.
21:20	Сокровище вожделенно почиет во устех мудраго: безумнии же мужие пожирают е.
21:21 См.: 🔗Прит. 19:17	Путь правды и милостыни обрящет живот и славу.
21:22 См.: 🔗Еккл. 9:16	Во грады крепки вниде премудрый и разруши утверждение, на неже надеяшася нечестивии.
21:23	Иже хранит своя уста и язык, соблюдает от печали душу свою.
21:24	Продерзый и величавый и горделивый губитель нарицается: а иже памятозлобствует, беззаконен.
21:25	Похоти лениваго убивают: не произволяют бо руце его творити что.
21:26 См.: 🔗Пс. 36:26	Нечестивый желает весь день похоти злыя, праведный же милует и щедрит нещадно.
21:27 См.: 🔗Прит. 15:8	Жертвы нечестивых мерзость Господеви: ибо беззаконно приносят я.
21:28 См.: 🔗Прит. 19:5	Свидетель ложный погибнет, муж же послушлив сохраняемь возглаголет.
21:29	Нечестив муж безстудно стоит лицем: правый же сам разумевает пути своя.
21:30 См.: 🔗Иез. 28:5 🔗Иов. 5:13	Несть премудрости, несть мужества, несть совета у нечестиваго.
21:31 См.: 🔗Пс. 32:17	Конь уготовляется на день брани: от Господа же помощь.