Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 146 | |
146:1 См.: 🔗Пс. 91:2 | Хвалите Господа, яко благ псалом: Богови нашему да усладится хваление. |
146:2 См.: 🔗Пс. 50:20 🔗Ис. 60:10 | Зиждай Иерусалима Господь: разсеяния Израилева соберет: |
146:3 См.: 🔗Ис. 61:1 | изцеляяй сокрушенныя сердцем и обязуяй сокрушения их: |
146:4 См.: 🔗Ис. 40:26 | изчитаяй множество звезд, и всем им имена нарицаяй. |
146:5 См.: 🔗Пс. 144:3 🔗Ис. 40:28 | Велий Господь наш, и велия крепость Его, и разума Его несть числа. |
146:6 См.: 🔗Пс. 145:8 | Приемляй кроткия Господь, смиряяй же грешники до земли. |
146:7 | Начните Господеви во исповедании, пойте Богови нашему в гуслех: |
146:8 См.: 🔗Деян. 14:17 | одевающему небо облаки, уготовляющему земли дождь: прозябающему на горах траву и злак на службу человеком: |
146:9 | дающему скотом пищу их, и птенцем врановым призывающым Его. |
146:10 | Не в силе констей восхощет, ниже в лыстех мужеских благоволит: |
146:11 См.: 🔗Деян. 10:35 | благоволит Господь в боящихся Его и во уповающих на милость Его. |