Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Слово бывшее от Господа ко Исаии сыну Амосову о Иудеи и о Иерусалиме. |
2:2 | Яко будет в последния дни явлена гора Господня, и дом Божий на версе гор, и возвысится превыше холмов: и приидут к ней вси языцы. |
2:3 См.: 🔗Мих. 4:2 | И пойдут языцы мнози и рекут: приидите, и взыдем на гору Господню и в дом Бога Иаковля, и возвестит нам путь Свой, и пойдем по нему. От Сиона бо изыдет закон, и слово Господне из Иерусалима: |
2:4 | и судити будет посреде язык и изобличит люди многи: и раскуют мечы своя на орала и копия своя на серпы, и не возмет язык на язык меча, и не навыкнут ктому ратоватися. |
2:5 | И ныне, доме Иаковль, приидите, пойдем светом Господним. |
2:6 См.: 🔗Иер. 12:7 | Остави бо люди Своя, дом Иаковль: зане якоже из начала наполнися страна их волхвований, якоже иноплеменников, и чада многа иноплеменнича родишася им. |
2:7 | Наполнися бо страна их сребра и злата, и не бяше числа сокровищ их: и наполнися земля их коней, и не бяше числа колесниц их: |
2:8 См.: 🔗Ис. 44:10 🔗Иер. 2:28 | и наполнися земля мерзостей дел рук их, и поклонишася тем, яже сотвориша персты их: |
2:9 | и преклонися человек и смирися муж, и не претерплю им. |
2:10 См.: 🔗Иер. 23:24 🔗Ам. 9:2 | И ныне внидите в камение и скрыйтеся в землю от лица страха Господня и от славы крепости Его, егда востанет сокрушити землю. |
2:11 См.: 🔗Ис. 5:15 | Очи бо Господни высоцы, человек же смирен: и смирится высота человеческая, и возиесется Господь един в день оный. |
2:12 | День бо Господа Саваофа на всякаго досадителя и горделиваго, и на всякаго высокаго и величаваго, и смирятся: |
2:13 | и на всяк кедр Ливанский высоких и превознесенных и на всяко древо желудя Васанска, |
2:14 См.: 🔗Ис. 41:15 🔗Зах. 4:7 | и на всякую гору высокую и на всякий холм высокий, |
2:15 См.: 🔗Ис. 30:25 | и на всякий столп высок и на всякую стену высокую, |
2:16 | и на всякий корабль морский и на всяко видение доброты кораблей. |
2:17 См.: 🔗Ис. 5:15 | И смирится всякий человек, и падется высота человеча, и вознесется Господь един в день оный. |
2:18 | И рукотвореная вся скрыют, |
2:19 | внесше в пещеры и в разселины камений и в вертепы земныя, от лица страха Господня и от славы крепости Его, егда востанет сокрушити землю. |
2:20 См.: 🔗Ис. 31:7 | В день бо оный изринет человек мерзости своя златыя и сребряныя, яже сотвориша, да покланяются суетным и нетопырем, |
2:21 | еже внити в вертепы твердаго камене и в разселины камений, от лица страха Господня и от славы крепости Его, егда востанет сокрушити землю. |
2:22 См.: 🔗2Пар. 35:21 🔗Иов. 27:3 | Оставите (убо) вам человека, емуже есть дыхание в ноздрех его: яко в чем вменися сей? |