Вторая книга Паралипоменон (Вторая книга Хроник, Вторая Летопись), глава 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 18
18:1 См.: 🔗2Пар. 17:5 🔗4Цар. 8:18	И бысть Иосафату богатство и слава многа, и поят жену в дому Ахаавли.
18:2 См.: 🔗3Цар. 22:2	И сниде при концы лет ко Ахааву в Самарию: и закла ему Ахаав овны и волы многи, и людем сущым с ним, и увещаваше его, да снидет с ним в Рамоф Галаадский.
18:3 См.: 🔗3Цар. 22:4	И рече Ахаав царь Израилев ко Иосафату царю Иудину: пойдеши ли со мною в Рамоф Галаадский? И рече ему: якоже аз, тако и ты: и якоже людие твои, тако и людие мои с тобою на брань.
18:4	И рече Иосафат царю Израилеву: вопроси убо днесь Господа.
18:5 См.: 🔗3Цар. 22:6	И собра царь Израилев пророков четыреста мужей и рече к ним: пойду ли в Рамоф Галаадский на брань, или удержуся? И реша: взыди, и предаст Бог в руку цареву.
18:6 См.: 🔗3Цар. 22:7	Рече же Иосафат: несть ли зде пророка Господня еще, да от него вопросим?
18:7	И рече царь Израилев ко Иосафату: есть еще муж един, имже вопросити Господа, но аз ненавижду его, понеже не прорицает мне во благая, зане вси дние его во злая: сей Михеа сын Иемвлин . Рече же Иосафат: не глаголи, царю тако.
18:8 См.: 🔗3Цар. 22:9	И призва царь Израилев единаго от евнух и рече ему: (призови) скоро Михею сына Иемвлина.
18:9	Царь же Израилев и Иосафат царь Иудин кийждо седяше на престоле своем, и облечена красотою царскою, седяста же на пространстве близ врат Самарийских, и вси пророцы пророчествоваху пред нима.
18:10 См.: 🔗3Цар. 22:11	И сотвори себе Седекиа сын Ханаань роги железны и рече: сия глаголет Господь: сими избодеши Сирию, дондеже скончается.
18:11	И вси пророцы прорицаху тако, глаголюще: взыди в Рамоф Галаадский и предуспееши, и предаст Господь в руку цареву.
18:12 См.: 🔗3Цар. 22:13	Вестник же, шедый призвати Михею, рече ему: се, рекоша пророцы единеми усты благая о цари да будут убо и твоя словеса, якоже единаго от них, и да речеши благая.
18:13	И отвеща Михеа: жив Господь, яко еже аще речет Бог ко мне, сие возглаголю.
18:14	И прииде ко царю, и рече ему царь: Михее, имам ли ити Рамоф Галаадский на брань, или удержуся? И отвеща: взыди и предуспееши, и предадутся (врази) в руки вашя.
18:15	И рече ему царь: колико крат заклинаю тя, да не глаголеши мне, токмо истину во имя Господне.
18:16 См.: 🔗Чис. 27:17 🔗3Цар. 22:17	И рече Михеа: видех всего Израиля расточена по горам яко овцы, имже несть пастыря: и рече Господь: не имут сии вожда, да возвратятся кийждо в дом свой в мире.
18:17	И рече царь Израилев ко Иосафату: не рех ли тебе, яко не прорицает о мне благая, но токмо злая?
18:18	И рече Михеа: не тако: слышите слово Господне: видех Господа седяща на престоле Своем, и вся сила небесная предстояше одесную Его и ошуюю Его:
18:19	и рече Господь: кто прельстит Ахаава царя Израилева, да взыдет и падет в Рамофе Галаадстем? И глаголаше един тако, и ин рече тако:
18:20 См.: 🔗3Цар. 22:21 🔗Иов. 1:6	и изыде дух, и ста пред Господем, и рече: аз прельщу его: емуже Господь, в чем, рече, (прельстиши)?
18:21 См.: 🔗Ин. 8:44 🔗1Ин. 4:6 🔗3Цар. 22:22	И рече: изыду и буду дух лжив во устех всех пророков его: рече же (Господь): прельстиши и превозможеши, изыди и сотвори тако:
18:22 См.: 🔗Ис. 19:14 🔗Иез. 14:9	и ныне се, Господь даде духа лжива во уста всем пророком твоим сим, и Господь глагола о тебе злая.
18:23 См.: 🔗Иер. 20:2 🔗Мк. 14:65 🔗Ин. 18:22	И приступи Седекиа сын Ханаань, и удари Михею в ланиту и рече ему: коим путем пройде Дух Господень от мене, еже глаголати к тебе?
18:24 См.: 🔗3Цар. 20:30 🔗3Цар. 22:25	Рече же Михеа: се, узриши в день той, егда внидеши в ложницу из ложницы, да укрыешися.
18:25	И рече царь Израилев: возмите Михею, и отведите ко Еммиру началнику града и ко Иоасу князю сыну цареву,
18:26	и рцыте: сия глаголет царь: вверзите сего в темницу, и да яст хлеб печали и воду печали, дондеже возвращуся в мире.
18:27	Рече же Михеа: аще возвращаяся возвратишися в мире, не глагола Господь мною. И рече: слышите, вси людие.
18:28	И взыде царь Израилев и Иосафат царь Иудин в Рамоф Галаадский.
18:29 См.: 🔗3Цар. 22:30	Рече же царь Израилев ко Иосафату: прикрыюся и вниду во брань, ты же облецыся в ризы моя. И прикрыся царь Израилев и вниде во брань.
18:30	Царь же Сирский повеле вождем колесниц своих, глаголя: не устремляйтеся на мала и на велика, но токмо на самаго царя Израилева.
18:31 См.: 🔗3Цар. 22:32 🔗Пс. 65:9	И бысть егда увидеша началницы колесниц Иосафата, глаголаша: царь Израилев есть сей. И обыдоша его воююще. Иосафат же возопи ко Господу, и Господь послуша его, и отврати их Бог от него.
18:32	И бысть егда увидеша воеводы колесниц, яко не бяше царь Израилев, оставиша его.
18:33 См.: 🔗3Цар. 22:34	И муж наляче лук приметно и порази царя Израилева между легким и персями. И рече возатаю своему: обрати руку твою и изведи мя от брани яко изнемогох.
18:34 См.: 🔗3Цар. 22:35	И скончана бысть брань в день той, и царь Израилев бе стоя на колеснице своей противу Сириом даже до вечера, и умре заходящу солнцу.