Первое Соборное послание апостола Петра, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Кол. 3:8 🔗Евр. 12:1	Отложше убо всяку злобу и всяку лесть и лицемерие и зависть и вся клеветы,
2:2 См.: 🔗Мф. 18:3 🔗Мк. 10:14	яко новорождени младенцы, словесное и нелестное млеко возлюбите, яко да о нем возрастете во спасение:
2:3 См.: 🔗Пс. 33:9	понеже вкусисте, яко благ Господь.
2:4 См.: 🔗Мф. 16:18 🔗Мф. 21:42	К Немуже приходяще, камени живу, от человек убо уничижену, от Бога же избрану, честну,
2:5 См.: 🔗Мал. 1:11 🔗Отк. 1:6	и сами яко камение живо зиждитеся во храм духовен, святителство свято, возносити жертвы духовны, благоприятны Богови Иисус Христом.
2:6 См.: 🔗Ис. 28:16 🔗Рим. 9:33	Зане писано есть в Писании: се полагаю в Сионе камень краеуголен, избран, честен: и веруяй вонь не постыдится.
2:7 См.: 🔗Пс. 117:22 🔗Ис. 8:14 🔗Мф. 21:42	Вам убо честь верующым, а противящымся камень, егоже небрегоша зиждущии, сей бысть во главу угла, и камень претыкания и камень соблазна:
2:8	о немже и претыкаются слову противляющиися, на неже и положени быша.
2:9 См.: 🔗Исх. 19:6 🔗Ис. 61:6 🔗Деян. 26:18	Вы же род избран, царское священие, язык свят, людие обновления, яко да добродетели возвестите из тмы вас Призвавшаго в чудный Свой свет:
2:10 См.: 🔗Ос. 2:23 🔗Ос. 1:10 🔗Рим. 9:25	иже иногда не людие, ныне же людие Божии: иже не помиловани, ныне же помиловани бысте.
2:11 См.: 🔗Пс. 38:13 🔗Рим. 13:13 🔗Гал. 5:16	Возлюбленнии, молю яко пришелцев и странников, огребатися от плотских похотей, яже воюют на душу,
2:12 См.: 🔗Мф. 5:16	житие ваше имуще добро во языцех, да о немже клевещут вас аки злодеев, от добрых дел видевше, прославят Бога в день посещения.
2:13 См.: 🔗Рим. 13:1 🔗Тит. 3:1	Повинитеся убо всякому человечу созданию Господа ради: аще царю, яко преобладающу:
2:14	аще ли же князем, яко от него посланным, во отмщение убо злодеем, в похвалу же благотворцем.
2:15	Яко тако есть воля Божия, благотворящым обуздовати безумных человек невежство:
2:16 См.: 🔗Гал. 5:13	яко свободни, а не яко прикровение имуще злобы свободу, но яко раби Божии.
2:17 См.: 🔗1Пет. 1:22 🔗Рим. 12:10	Всех почитайте, братство возлюбите, Бога бойтеся, царя чтите.
2:18	Раби, повинуйтеся во всяцем страсе владыкам, не токмо благим и кротким, но и строптивым.
2:19 См.: 🔗Мф. 5:10	Се бо есть угодно пред Богом, аще совести ради Божия терпит кто скорби, стражда без правды.
2:20 См.: 🔗1Пет. 3:14 🔗1Пет. 4:14	Кая бо похвала, аще согрешающе мучими терпите? Но аще добро творяще и страждуще терпите, сие угодно пред Богом,
2:21 См.: 🔗Мф. 16:24 🔗Флп. 2:5	на сие бо и звани бысте: зане и Христос пострада по нас, нам оставль образ, да последуем стопам Его:
2:22 См.: 🔗Ис. 53:9 🔗1Ин. 3:5	иже греха не сотвори, ни обретеся лесть во устех Его:
2:23 См.: 🔗Ис. 50:6 🔗Ис. 53:7	иже укаряемь противу не укаряше, стражда не прещаше, предаяше же Судящему праведно:
2:24 См.: 🔗Мф. 8:17 🔗Рим. 6:2	иже грехи нашя Сам вознесе на теле Своем на древо, да от грех избывше, правдою поживем: Егоже язвою изцелесте.
2:25 См.: 🔗Ис. 53:4 🔗Иез. 34:5 🔗Ин. 10:11	Бесте бо яко овцы заблуждшыя не имущя пастыря: но возвратистеся ныне к Пастырю и Посетителю душ ваших.