Вторая книга Паралипоменон (Вторая книга Хроник, Вторая Летопись), глава 15

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 15
15:1	Азариа же сын Ададов, бысть на нем Дух Божий:
15:2 См.: 🔗Втор. 20:1 🔗Втор. 31:16 🔗Ис. 55:6	и изыде во сретение Асе и всему Иуде и Вениамину и рече ему: услышите мя, Аса и весь Иуда и Вениамин: Господь с вами, яко бысте с Ним: и аще взыщете Его, обрящется вам, аще же оставите Его, оставит вас:
15:3 См.: 🔗Ос. 3:4 🔗Ам. 8:11	мнози дние (будут) во Израили без Бога истиннаго и без священника учащаго и без закона:
15:4 См.: 🔗Прем. 1:2	егда же обратятся в печали ко Господу Богу Израилеву и взыщут Его, и обрящется им:
15:5	и во время оно не будет мир исходящему и входящему, яко ужас Господень на всех обитающих на земли
15:6 См.: 🔗Мф. 24:6	и ополчится язык на язык и град противу града, яко Господь смутит их во всяцей печали:
15:7 См.: 🔗Лк. 21:19 🔗1Кор. 15:58 🔗Гал. 6:9	и вы укрепитеся, и да не ослабеют руки вашя, есть бо мзда делу вашему.
15:8	И егда услыша Аса словеса сия и пророчество Азарии пророка, укрепися и отя вся идолы от всея земли Иудины и Вениамини и от градов, ихже содержаше Иеровоам в горе Ефремли, и освяти олтарь Господень, иже бе пред храмом Господним:
15:9	собра же (всего) Иуду и Вениамина и пришелцев обитающих с ним от Ефрема и от Манассии и от Симеона, мнози бо к нему прибегоша от Израиля, егда увидеша, яко Господь Бог его с ним.
15:10	И собрашася во Иерусалим в месяц третий, в лето пятоенадесять царства Асы,
15:11	и пожроша Господу в день той от корыстей, ихже приведоша, волов седмь сот и овец седмь тысящ,
15:12 См.: 🔗Нав. 24:24 🔗Втор. 6:5	и поидоша в завете, еже искати Господа Бога отец своих всем сердцем и всею душею своею:
15:13 См.: 🔗2Пар. 22:9	и (рече): всяк, иже аще не взыщет Господа Бога Израилева, да умрет от юнаго даже до старейшаго, от мужа даже до жены.
15:14	И кляшася Господу гласом великим в восклицании и в трубах и в рожаных.
15:15	И возрадовася весь Иуда о клятве, яко от всея души кляшася, и всею волею взыскаша Его, и обретеся им, и даде им Господь покой окрест.
15:16 См.: 🔗3Цар. 15:13	И Мааху матерь свою отлучи, да не служит Астарту, и сокруши идола и сожже в потоце Кедрстем.
15:17 См.: 🔗3Цар. 15:14 🔗3Цар. 22:43 🔗Лк. 1:6	Токмо высоких не отстави, еще бо бяху во Израили, но сердце Асы бе совершенно во всех днех его:
15:18 См.: 🔗2Пар. 5:1	и внесе святая Давида отца своего и святая своя в дом Божий, сребро и злато и сосуды.
15:19	И брань не бысть ему даже до тридесять пятаго лета царства Асина.