Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 40 | |
40:1 | И рече Господь к Моисею, глаголя: |
40:2 См.: 🔗2Пар. 1:3 | в день первый месяца перваго, в новомесячие поставиши скинию свидения: |
40:3 См.: 🔗Исх. 26:33 | и да положиши кивот свидения, и покрыеши кивот завесою: |
40:4 | и внесеши трапезу, и предложиши предложение ея: и внесеши светилник, и поставиши светила его: |
40:5 См.: 🔗Исх. 30:1 | и положиши олтарь златый, в каждение пред кивотом свидения, и возложиши покров завесы над дверию скинии свидения: |
40:6 | и олтарь приношений поставиши у дверий скинии свидения, |
40:7 | и поставиши умывалницу между скиниею свидения и между олтарем, и влиеши в ню воду: |
40:8 | и поставиши двор окрест и даси завесу дверий двора: |
40:9 См.: 🔗Исх. 30:26 | и возмеши елей помазания и помажеши скинию и вся яже в ней, и освятиши ю и вся сосуды ея, и будут свята: |
40:10 См.: 🔗Чис. 7:1 | и да помажеши олтарь приношений и вся сосуды его, и освятиши олтарь, и будет олтарь святый святых: |
40:11 | и помажеши умывалницу и стояло ея и освятиши ю: |
40:12 См.: 🔗Исх. 29:4 | и да приведеши Аарона и сынов его пред двери скинии свидения и измыеши их водою: |
40:13 | и да облечеши Аарона в ризы святыя и помажеши его, и освятиши его, и да жрет Мне: |
40:14 См.: 🔗Исх. 29:8 | и сыны его да приведеши и облечеши я в ризы, |
40:15 | и да помажеши я, якоже помазал еси отца их, да жрут Мне: и будет, еже быти им помазанию жречества во век, в роды их. |
40:16 См.: 🔗Исх. 7:10 | И сотвори Моисей вся, елика заповеда ему Господь, сице сотвори. |
40:17 См.: 🔗Чис. 7:1 | И бысть в первый месяц во второе лето исходящым им от Египта, в новомесячии ста скиния. |
40:18 | И постави Моисей скинию, и подложи стояла ея, и возложи главицы, и вложи разворы, и постави столпы, |
40:19 | и простре опоны на скинию, и возложи покрывало скинии на ню с верху, якоже заповеда Господь Моисею: |
40:20 | и взем свидения, вложи в кивот, и подстави ноги под кивотом, и возложи очистилище над кивотом: |
40:21 | и внесе кивот в скинию, и возложи покров завесы, и закры кивот свидения, якоже заповеда Господь Моисею: |
40:22 См.: 🔗Исх. 26:35 | и постави трапезу в скинии свидения, на страну скинии свидения, яже к северу, внеуду завесы скинии: |
40:23 См.: 🔗Исх. 25:23 🔗1Цар. 21:6 | и возложи на ню хлебы предложения пред Господем, якоже заповеда Господь Моисею: |
40:24 См.: 🔗Исх. 25:31 | и постави светилник в скинии свидения прямо трапезы, на страну скинии, яже к югу: |
40:25 | и постави свещники его пред Господем, якоже заповеда Господь Моисею: |
40:26 | и постави олтарь златый в скинии свидения противу завесы, |
40:27 См.: 🔗Исх. 30:7 | и покади над ним фимиамом сложения, якоже заповеда Господь Моисею: |
40:28 | и положи завесу дверий скинии, |
40:29 См.: 🔗Исх. 27:1 | и олтарь приношений постави у дверий скинии покрова свидения, и вознесе на нем всесожжение и жертву, якоже заповеда Господь Моисею: |
40:30 См.: 🔗Исх. 30:18 | и сотвори умывалницу между скиниею свидения и между жертвенником, |
40:31 | и влия в ню воду, да умывают от нея Моисей и Аарон и сынове его руки своя и ноги, входящым им в скинию свидения: |
40:32 См.: 🔗Исх. 29:4 🔗Исх. 30:19 | или приходяще к жертвеннику служити, умывахуся от нея, якоже заповеда Господь Моисею: |
40:33 | и постави двор окрест скинии и олтаря и положи завесу двора. И сконча Моисей вся дела. |
40:34 См.: 🔗Чис. 9:15 🔗3Цар. 8:10 | И покры облак скинию свидения, и славы Господни исполнися скиния, |
40:35 | и не можаше Моисей внити в скинию свидения, яко осеняше над нею облак, и славы Господни исполнися скиния: |
40:36 См.: 🔗Чис. 9:21 🔗Чис. 14:14 | егда же восхождаше облак от скинии, воздвизахуся сынове Израилевы со имением своим: |
40:37 | аще же не взыде облак, не воздвизахуся даже до дне, в оньже взыдет облак: |
40:38 | облак бо Господнь бяше над скиниею в день, и огнь бяше над нею в нощь пред всем Израилем во всех путешествиих их. |