Книга пророка Исаии, глава 11

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 11
11:1 См.: 🔗Лк. 3:32 🔗Деян. 13:22 🔗Рим. 15:12	И изыдет жезл из корене Иессеова, и цвет от корене его взыдет:
11:2 См.: 🔗Ис. 61:1	и почиет на нем Дух Божий, дух премудрости и разума, дух совета и крепости, дух ведения и благочестия:
11:3 См.: 🔗Ис. 2:4	исполнит его дух страха Божия: не по славе судити имать, ниже по глаголанию обличит,
11:4 См.: 🔗Иов. 4:9 🔗2Фес. 2:8	но судит правдою смиренному суд и обличит правостию смиренныя земли, и поразит землю словом уст Своих и духом устен убиет нечестиваго:
11:5 См.: 🔗Пс. 44:5	и будет препоясан правдою о чреслех Своих и истиною обвит по ребрам Своим:
11:6 См.: 🔗Ис. 65:25	и пастися будут вкупе волк с агнцем, и рысь почиет со козлищем, и телец и юнец и лев вкупе пастися будут, и отроча мало поведет я:
11:7	и вол и медведь вкупе пастися будут, и вкупе дети их будут, и лев аки вол ясти будет плевы:
11:8 См.: 🔗1Кор. 3:1 🔗Пс. 57:5	и отроча младо на пещеры аспидов и на ложе изчадий аспидских руку возложит:
11:9 См.: 🔗Ам. 5:24	и не сотворят зла, ни возмогут погубити ни когоже на горе святей Моей: яко наполнися вся земля ведения Господня, аки вода многа покры море.
11:10 См.: 🔗Рим. 15:12	И будет в день оный корень Иессеов, и востаяй владети языки, на того языцы уповати будут: и будет покой его честь.
11:11	И будет в день оный, приложит Господь показати руку Свою, еже возревновати по останку прочему людий, иже аще останет от Ассириов и от Египта, и Вавилона и от Ефиопии, и от Еламитов и от Востоков солнца, и от Аравии и от островов морских.
11:12 См.: 🔗Мф. 15:24 🔗Лк. 21:28 🔗Ин. 10:16	И воздвигнет знамение в языки, и соберет погибшыя Израилевы, и расточенныя Иудины соберет от четырех крил земли.
11:13 См.: 🔗Ос. 1:11	И отимется ревность Ефремова, и врази Иудины погибнут: Ефрем не возревнует Иуде, и Иуда не оскорбит Ефрема.
11:14 См.: 🔗Втор. 32:43 🔗Ис. 60:7 🔗Зах. 8:13	И полетят в кораблех иноплеменничих, море купно пленят, и сущих от Восток солнца, и Идумею: и на Моава первее руки возложат, сынове же Аммони первии покорятся.
11:15	И опустошит Господь море Египетское и возложит руку Свою на реку духом пресильным: и поразит на седмь дебрий, якоже преходити ю во обувении:
11:16 См.: 🔗Исх. 14:29	и будет прошествие людем Моим оставшым во Египте, и будет Израилю, якоже в день, егда изыде от земли Египетския.