Второзаконие, глава 10

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 10
10:1 См.: 🔗Исх. 34:1	Во оно время рече Господь ко мне: истеши себе две скрижали каменны якоже первыя, и взыди ко Мне на гору, и да сотвориши себе ковчег древян:
10:2 См.: 🔗Втор. 9:10 🔗Исх. 32:19 🔗Исх. 34:4 🔗Исх. 37:1	и напишу на скрижалех словеса, яже бяху на скрижалех первых, ихже сокрушил еси, и да вложиши я в ковчег.
10:3	И сотворих ковчег от древ негниюших, и истесах две скрижали каменны якоже и первыя, и взыдох на гору: и обе скрижали во юбою руку моею:
10:4 См.: 🔗Исх. 32:16 🔗Исх. 34:28 🔗Втор. 9:10	и написа на скрижалех по писанию первому десять словес, яже глагола Господь к вам на горе от среды огня, и даде я Господь мне.
10:5 См.: 🔗3Цар. 8:9	И обратився снидох с горы, и вложих скрижали в ковчег, егоже сотворих: и беста ту, якоже повеле ми Господь.
10:6 См.: 🔗Чис. 20:29 🔗Чис. 33:31	И сынове Израилевы воздвигошася от Вирофа сынов Иакимлих в Мисадай: тамо умре Аарон, и погребен бысть ту, и бысть жрец Елеазар сын его вместо его.
10:7 См.: 🔗Чис. 33:32	Оттуду же воздвигошася в Гадгад, и от Гадгада до Етавафа, земли водотечи вод.
10:8 См.: 🔗Чис. 3:12 🔗Чис. 4:25 🔗Чис. 18:5	Во оно время отдели Господь племя Левиино носити ковчег завета Господня, предстояти пред Господем, служити и молитися и благословляти о имени Его до днешняго дне:
10:9 См.: 🔗Чис. 18:20 🔗Втор. 18:2 🔗Иез. 44:28	сего ради несть левитом части и жребия в братии их: Господь Сам жребий их, якоже рече им.
10:10 См.: 🔗Исх. 32:14	И аз стоях на горе четыредесять дний и четыредесять нощей, и послуша Господь мене и во время сие, и не восхоте Господь погубити вас.
10:11	И рече Господь ко мне: гряди, воздвигнися пред людьми сими, и да внидут и наследят землю, еюже кляхся отцем их, дати ю им.
10:12 См.: 🔗Мих. 6:8 🔗Втор. 6:5 🔗Мф. 22:37 🔗Лк. 10:27	И ныне, Израилю, что просит Господь Бог твой у тебе, точию еже боятися Господа Бога твоего и ходити во всех путех Его, и любити Его и служити Господу Богу твоему от всего сердца твоего и от всея души твоея,
10:13	хранити заповеди Господа Бога твоего и оправдания Его, елика аз заповедаю тебе днесь, да благо тебе будет?
10:14 См.: 🔗Быт. 14:19 🔗3Цар. 8:27 🔗Пс. 23:1	Се, Господа Бога твоего небо и небо небесе, земля и вся елика суть на ней:
10:15	обаче отцы вашы произволи Господь любити их, и избра семя их по них, вас, паче всех язык, в день сей.
10:16 См.: 🔗Втор. 30:6 🔗Иер. 4:4	И обрежите жестокосердие ваше, и выи вашея не ожесточите ктому:
10:17 См.: 🔗2Пар. 19:7 🔗Еф. 6:9 🔗Кол. 3:25 🔗Иов. 34:19 🔗Прем. 6:7 🔗Сир. 35:12 🔗Иер. 32:19 🔗Деян. 10:34 🔗1Пет. 1:17 🔗Рим. 2:11 🔗Гал. 2:6	ибо Господь Бог ваш сей Бог богов и Господь господей, Бог великий и крепкий и страшный, иже не дивится лицу, ниже вземлет дара:
10:18	творяй суд пришелцу и сиру и вдовице, и любит пришелца дати ему хлеб и ризу.
10:19	И возлюбите пришелца: пришелцы бо бесте в земли Египетстей.
10:20 См.: 🔗Втор. 6:13 🔗Мф. 4:10 🔗Лк. 4:8	Господа Бога твоего да убоишися, и Тому (единому) послужиши, и к Нему прилепишися, и именем Его кленешися:
10:21	Той хвала твоя и Той Бог твой, иже сотвори тебе великая и славная сия, яже видесте очи твои:
10:22 См.: 🔗Быт. 46:27	в седмидесятих и пяти душах снидоша отцы твои во Египт: ныне же сотвори тя Господь Бог твой яко звезды небесныя множеством.