Книга пророка Осии, глава 4

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 4
4:1 См.: 🔗Мих. 6:2 🔗Ис. 59:14 🔗Иер. 7:28	Слышите слово Господне, сынове Израилевы, яко суд Господеви к живущым на земли: зане несть истины, ни милости, ни ведения Божия на земли:
4:2	клятва и лжа, и убийство и татьба и любодеяние разлияся по земли, и кровь с кровьми мешают.
4:3 См.: 🔗Иер. 4:25 🔗Иер. 14:4 🔗Соф. 1:3	Сего ради восплачется земля и умалится со всеми вселившимися на ней, со зверьми польскими и с гады земными и со птицами небесными, и рыбы морския оскудеют:
4:4 См.: 🔗Ис. 30:10 🔗Ам. 5:10 🔗Иер. 15:10	яко да никтоже не прится, ни обличается никтоже: людие же мои аки пререкаемый жрец,
4:5	и изнеможет во днех, и изнеможет пророк с тобою: нощи уподобих матерь твою.
4:6 См.: 🔗Ис. 42:19 🔗Зах. 7:11	Уподобишася людие Мои аки не имуще умения: яко ты умение отвергл еси, отвергу и Аз тебе, еже не жречествовати Мне, и забыл еси закон Бога своего, забуду и Аз чада твоя.
4:7	По множеству их тако согрешиша Мне: славу их в безчестие положу.
4:8 См.: 🔗Лев. 6:26 🔗Зах. 11:16	Грехи людий Моих снедят и в неправдах их возмут душы их.
4:9 См.: 🔗Ис. 24:2	И будет якоже людие, тако и жрец: и отмщу на них пути их, и умышления их воздам им.
4:10 См.: 🔗Лев. 26:26 🔗Мих. 6:14 🔗Аг. 1:6	И будут ясти и не насытятся: соблудиша и не исправятся: понеже Господа оставиша еже снабдети.
4:11 См.: 🔗Ис. 28:7 🔗Мф. 14:7	Блуд и вино и пиянство прият сердце людий Моих.
4:12	В знамениих вопрошаху и в жезлех своих поведаху тем: духом блужения прельстишася и соблудиша от Бога своего:
4:13 См.: 🔗Втор. 12:2	на версех гор кадяху и на холмех жряху под дубом и под елию и под древом ветвенным, яко добр кров: сего ради соблудят дщери вашя, и невесты вашя возлюбодеют.
4:14	И не присещу на дщери вашя, егда соблудят, и на невесты вашя, егда возлюбодеют: яко и тии со блудницами смесишася и со блудниками требы жряху, и людие смыслящии со блудницею сплетахуся.
4:15 См.: 🔗Нав. 5:9 🔗Ос. 9:15 🔗3Цар. 12:29	Ты же, Израилю, не не разумевай, и Иудо: не входите в Галгалу и не восходите в Дом Онов, и не кленитеся Господем живым.
4:16	Зане якоже юница стрекалом стречема разсвирепе Израиль: ныне упасет я Господь, яко агнца на пространстве.
4:17	Причастник кумиром Ефрем положи себе соблазны,
4:18	избра Хананеов: блудяще возблудиша, возлюбиша безчестие от хрепетания своего.
4:19 См.: 🔗Ис. 41:16 🔗Иер. 3:24	Вихр духа возсвищет в крилех своих, и посрамятся от требищ своих.