Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗1Пар. 6:60 | Слово Божие, еже бысть ко Иеремии сыну Хелкиеву от священник, иже обиташе во Анафофе, в земли Вениаминове, |
1:2 См.: 🔗4Цар. 21:26 | якоже бысть слово Господне к нему, во дни Иосии сына Амоса царя Иудина, в третиенадесять лето царства его, |
1:3 | и бысть во дни Иоакима сына Иосии царя Иудина, даже до первагонадесять лета Седекии сына Иосии царя Иудина, даже до пленения Иерусалимскаго в месяц пятый. |
1:4 | И бысть слово Господне ко мне глаголя: |
1:5 См.: 🔗Гал. 1:15 | прежде неже мне создати тя во чреве, познах тя, и прежде неже изыти тебе из ложесн, освятих тя, пророка во языки поставих тя. |
1:6 См.: 🔗Исх. 4:10 | И рекох: о, Сый Владыко Господи, се, не вем глаголати, яко отрок аз есмь. |
1:7 | И рече Господь ко мне: не глаголи, яко отрок аз есмь, ибо ко всем, к нимже послю тя, пойдеши, и вся, елика повелю тебе, возглаголеши: |
1:8 | не убойся от лица их, яко с тобою Аз есмь, еже избавити тя, глаголет Господь. |
1:9 См.: 🔗Ис. 6:7 🔗Иер. 5:14 | И простре Господь руку Свою ко мне и прикоснуся устом моим, и рече Господь ко мне: се, дах словеса Моя во уста твоя: |
1:10 См.: 🔗Сир. 49:9 🔗Иер. 18:7 | се, поставих тя днесь над языки и над царствы, да искорениши и разориши, и расточиши и разрушиши, и паки созиждеши и насадиши. |
1:11 | И бысть слово Господне ко мне глаголя: что ты видиши Иеремие? И рекох: жезл ореховый (аз вижду). |
1:12 См.: 🔗Дан. 9:14 🔗2Пет. 2:3 | И рече Господь ко мне: благо видел еси, понеже бдех Аз над словесы Моими, еже сотворити я. |
1:13 | И бысть слово Господне вторицею ко мне глаголя: что ты видиши? И рекох: коноб поджигаемый (аз вижду) и лице его от лица севера. |
1:14 | И рече Господь ко мне: от лица севера возгорятся злая на всех обитающих на земли, |
1:15 См.: 🔗Иер. 5:15 | зане се, Аз созову вся царства земная от севера, рече Господь и приидут и поставят кийждо престол свой в преддвериих врат Иерусалимских и на всех стенах окрест его и на всех градех Иудиных: |
1:16 | и возглаголю к ним с судом о всяцей злобе их, како оставиша Мя и пожроша богом чуждим и поклонишася делом рук своих. |
1:17 См.: 🔗Лк. 12:35 🔗1Пет. 1:13 | Ты же препояши чресла твоя, и востани и глаголи к ним вся, елика заповедаю тебе: не убойся от лица их, ниже устрашися пред ними, яко с тобою есмь, еже избавити тя, глаголет Господь: |
1:18 См.: 🔗Иер. 15:20 🔗Иез. 3:8 | се, положих тя днесь аки град тверд и в столп железный, и аки стену медяну, крепку всем царем Иудиным и князем его, и священником его и людем земли: |
1:19 | и ратовати будут на тя и не премогут тя, понеже с тобою Аз есмь, да избавлю тя, рече Господь. |