Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 56 | |
56:1 См.: 🔗1Цар. 22:1 | В конец, да не растлиши, Давиду в столпописание, внегда ему отбегати от лица Саулова в пещеру. |
56:2 См.: 🔗Пс. 50:3 | Помилуй мя, Боже, помилуй мя: яко на Тя упова душа моя, и на сень крилу Твоею надеюся, дондеже прейдет беззаконие. |
56:3 | Воззову к Богу Вышнему, Богу благодеявшему мне. |
56:4 См.: 🔗Пс. 55:3 | Посла с небесе и спасе мя, даде в поношение попирающыя мя: посла Бог милость Свою и истину Свою, |
56:5 См.: 🔗Пс. 54:22 | и избави душу мою от среды скимнов. Поспах смущен: сынове человечестии, зубы их оружия и стрелы, и язык их мечь остр. |
56:6 См.: 🔗Пс. 107:6 | Вознесися на небеса, Боже, и по всей земли слава Твоя. |
56:7 | Сеть уготоваша ногам моим, и слякоша душу мою: ископаша пред лицем моим яму, и впадоша в ню. |
56:8 См.: 🔗Пс. 107:2 | Готово сердце мое, Боже, готово сердце мое: воспою и пою во славе моей. |
56:9 См.: 🔗Пс. 107:3 | Востани, слава моя, востани, псалтирю и гусли: востану рано. |
56:10 См.: 🔗Пс. 107:4 | Исповемся Тебе в людех, Господи, воспою Тебе во языцех: |
56:11 См.: 🔗Пс. 35:6 | яко возвеличися до небес милость Твоя и даже до облак истина Твоя. |
56:12 См.: 🔗Пс. 56:6 | Вознесися на небеса, Боже, и по всей земли слава Твоя. |