Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗Лк. 9:21 🔗1Кор. 6:12 | Всем время и время всяцей вещи под небесем: |
3:2 | время раждати и время умирати, время садити и время исторгати сажденое, |
3:3 | время убивати и время целити, время разрушати и время созидати, |
3:4 См.: 🔗Иер. 31:4 | время плакати и время смеятися, время рыдати и время ликовати, |
3:5 | время разметати камение и время собирати камение, время обымати и время удалятися от обымания, |
3:6 | время искати и время погубляти, время хранити и время отреяти, |
3:7 См.: 🔗Сир. 20:6 🔗Лк. 9:21 | время раздрати и время сшити, время молчати и время глаголати, |
3:8 | время любити и время ненавидети, время брани и время мира. |
3:9 | Кое изюбилие творящаго, в нихже сам трудится? |
3:10 | Видех попечение всяческое, еже даде Бог сыном человеческим, еже пещися в нем. |
3:11 См.: 🔗Прем. 9:16 | Всяческая, яже сотвори, добра (суть) во время свое, ибо всякий век дал есть в сердце их, яко да не обрящет человек сотворения, еже сотвори Бог от начала и даже до конца. |
3:12 См.: 🔗Еккл. 2:24 🔗Еккл. 8:15 | Уразумех, яко несть благо в них, но токмо еже веселитися и еже творити благо в животе своем: |
3:13 См.: 🔗Еккл. 5:18 | ибо всяк человек, иже яст и пиет и видит благое во всем труде своем, сие даяние Божие есть. |
3:14 См.: 🔗Дан. 4:32 🔗Сир. 39:21 | Разумех, яко вся, елика сотвори Бог, сия будут во век: к тем несть приложити и от тех несть отяти, и Бог сотвори, да убоятся от лица Его: |
3:15 См.: 🔗Еккл. 1:9 | бывшее уже есть, и елика имут быти, уже быша, и Бог взыщет гонимаго. |
3:16 | И еще видех под солнцем место суда, тамо нечестивый, и место праведнаго, тамо благочестивый. |
3:17 См.: 🔗Еккл. 12:14 | И рех аз в сердцы моем: праведнаго и нечестиваго судит Бог: яко время всяцей вещи и на всяцем сотворении тамо. |
3:18 | Рех аз в сердцы моем о глаголании сынов человеческих, яко разсудит их Бог: и еже показати, яко сии скоти суть: |
3:19 См.: 🔗Пс. 48:13 🔗1Пет. 3:12 | ибо и тем якоже случай сынов человеческих и случай скотский, случай един им: якоже смерть того, тако и смерть сего, и дух един во всех: и что излишше имать человек паче скота? Ничтоже: яко всяческая суета. |
3:20 | Вся идут во едино место: вся быша от персти и вся в персть возвращаются. |
3:21 | И кто весть дух сынов человеческих, аще той восходит горе? И дух скотский, аще низходит той долу в землю? |
3:22 См.: 🔗Еккл. 3:12 🔗Еккл. 5:18 | И видех, яко несть благо, но токмо еже возвеселится человек в творениих своих, яко сия часть его: понеже кто приведет его видети то, еже будет по нем? |