Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 52 | |
52:1 | Востани, востани, Сионе, облецыся во крепость твою, Сионе, и ты облецыся во славу твою, Иерусалиме, граде святый, ктому не приложит проити сквозе тя необрезанный и нечистый. |
52:2 | Истряси прах и востани, сяди, Иерусалиме, совлецы узу выи твоея, плененая дщи Сионя. |
52:3 См.: 🔗1Пет. 1:18 | Яко сия глаголет Господь: туне продани бысте, и не сребром избавитеся. |
52:4 См.: 🔗Быт. 46:6 | Тако глаголет Господь: во Египет снидоша людие Мои прежде, еже пришелцем быти тамо, и во Ассирию нуждею отведошася. |
52:5 См.: 🔗Иез. 36:20 🔗Рим. 2:24 | И ныне что зде есте? Сия глаголет Господь: яко взяшася людие Мои туне, чудитеся и плачитеся. Тако глаголет Господь: вас ради присно имя Мое хулится во языцех. |
52:6 | Сего ради познают людие Мои имя Мое в той день, яко Аз есмь Сам глаголяй, ту есмь. |
52:7 | Коль красны на горах ноги благовествующих мир, благовествующих благая, яко слышано сотворю спасение твое, глаголя: Сионе, воцарится Бог твой. |
52:8 См.: 🔗Иез. 3:17 | Яко глас хранящих тя вознесеся, и гласом вкупе возрадуются: яко очи ко очесем воззрят, егда помилует Господь Сиона. |
52:9 См.: 🔗Ис. 40:1 | Да отрыгнут веселие вкупе пустыни Иерусалимския, яко помилова Господь людий Своих и избави Иерусалима: |
52:10 См.: 🔗Пс. 97:2 | и открыет Господь мышцу Свою святую пред всеми языки, и узрят вси концы земли спасение, еже от Бога нашего. |
52:11 См.: 🔗2Кор. 6:17 🔗Отк. 18:4 | Отступите, отступите, изыдите отсюду и нечистоте не прикасайтеся, изыдите от среды его, отлучитеся, носящии сосуды Господни: |
52:12 См.: 🔗Исх. 12:33 | яко не с мятежем изыдете, ниже убежанием пойдете: пойдет бо пред вами Господь, и собираяй вы Господь Бог Израилев. |
52:13 | Се, уразумеет отрок Мой и вознесется и прославится зело. |
52:14 | Якоже ужаснутся о Тебе мнози, тако обезславится от человек вид Твой, и слава Твоя от сынов человеческих. |
52:15 См.: 🔗Рим. 15:21 | Тако удивятся языцы мнози о Нем, и заградят царие уста своя: яко, имже не возвестися о Нем, узрят, и иже не слышаша, уразумеют. |