Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗1Ин. 4:15 | Всяк веруяй, яко Иисус есть Христос, от Бога рожден есть: и всяк любяй Рождшаго любит и Рожденнаго от Него. |
5:2 | О сем вемы, яко любим чада Божия, егда Бога любим и заповеди Его соблюдаем. |
5:3 См.: 🔗Мф. 11:30 | Сия бо есть любы Божия, да заповеди Его соблюдаем: и заповеди Его тяжки не суть. |
5:4 См.: 🔗Ин. 16:33 🔗1Кор. 15:57 | Яко всяк рожденный от Бога побеждает мир: и сия есть победа, победившая мир, вера наша. |
5:5 См.: 🔗1Ин. 4:4 | Кто есть побеждаяй мир, токмо веруяй, яко Иисус есть Сын Божий? |
5:6 См.: 🔗Ин. 19:34 | Сей есть пришедый водою и кровию и Духом, Иисус Христос, не водою точию, но водою и кровию: и Дух есть свидетелствуяй, яко Дух есть истина. |
5:7 См.: 🔗Мф. 3:16 🔗Мф. 28:19 | Яко трие суть свидетелствующии на небеси, Отец, Слово и Святый Дух: и Сии три едино суть. |
5:8 См.: 🔗Ин. 1:33 | И трие суть свидетелствующии на земли, дух и вода и кровь: и трие во едино суть. |
5:9 | Аще свидетелство человеческое приемлем, свидетелство Божие более есть: яко сие есть свидетелство Божие, еже свидетелствова о Сыне Своем. |
5:10 См.: 🔗Ин. 3:33 | Веруяй в Сына Божия имать свидетелство в себе: не веруяй Богови лжа сотворил есть Его, яко не верова во свидетелство, еже свидетелствова Бог о Сыне Своем. |
5:11 | И сие есть свидетелство, яко живот вечный дал есть нам Бог, и сей живот в Сыне Его есть. |
5:12 См.: 🔗Ин. 3:36 | Имеяй Сына Божия имать живот: а не имеяй Сына Божия живота не имать. |
5:13 См.: 🔗Ин. 20:31 | Сия писах вам верующым во имя Сына Божия, да весте, яко живот вечный имате, и да веруете во имя Сына Божия. |
5:14 См.: 🔗Иер. 29:12 🔗1Ин. 3:21 | И сие есть дерзновение, еже имамы к Нему, яко аще чесо просим по воли Его, послушает нас: |
5:15 | и аще вемы, яко послушает нас, еже аще просим, вемы, яко имамы прошения, ихже просихом от Него. |
5:16 | Аще кто узрит брата своего согрешающа грех не к смерти, да просит, и даст ему живот, согрешающым не к смерти. Есть грех к смерти: не о том, глаголю, да молится. |
5:17 См.: 🔗1Ин. 3:4 | Всяка неправда грех есть, и есть грех не к смерти. |
5:18 См.: 🔗1Ин. 3:9 | Вемы, яко всяк рожденный от Бога не согрешает: но рожденный от Бога блюдет себе, и лукавый не прикасается ему. |
5:19 | Вемы, яко от Бога есмы, и мир весь во зле лежит. |
5:20 | Вемы же, яко Сын Божий прииде и дал есть нам (свет и) разум, да познаем Бога истиннаго и да будем во истиннем Сыне Его Иисусе Христе: Сей есть истинный Бог и живот вечный. |
5:21 | Чадца, храните себе от треб идолских. Аминь. |