Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 См.: 🔗Ис. 19:25 🔗Ис. 54:8 | Рцыте брату своему: людие Мои: и сестре своей: Помилованная. |
2:2 См.: 🔗Иез. 16:15 🔗Иез. 23:5 | Судитеся с материю своею, судитеся, яко та не жена Моя, и Аз не муж ея: и отвергу блужения ея от лица Моего и любодейство ея от среды сосцу ея: |
2:3 | яко да совлеку ю нагу и поставлю ю якоже в день рождения ея, и положу ю яко пустыню, и учиню ю яко землю безводну, и убию оную жаждею: |
2:4 См.: 🔗Ос. 5:7 | и чад ея не помилую, яко чада блужения суть, |
2:5 См.: 🔗Иез. 16:44 🔗Иер. 44:17 | яко соблуди мати их, посрамися родившая их, рече бо: пойду вслед похотников моих, дающих мне хлебы моя и воду мою, и ризы моя и плащаницы моя, и масло мое и вся, елика мне достоят. |
2:6 См.: 🔗Плч. 3:9 | Сего ради, се, Аз загражду путь ея тернием и возгражду распутия ея, и стези своея не обрящет: |
2:7 См.: 🔗Втор. 31:17 🔗Ос. 14:3 | и поженет похотники своя и не постигнет их, и взыщет их и не обрящет, и речет: пойду и возвращуся к мужу моему первому, яко добрее ми бе тогда, нежели ныне. |
2:8 | Но та не уразуме, яко Аз дах ей пшеницу и вино и масло, и сребро умножих ей: сия же сребряны и златы сотвори Ваалу. |
2:9 См.: 🔗Ос. 9:2 | Сего ради обращуся и возму пшеницу Мою во время ея и вино Мое во время его, и отиму ризы Моя и плащаницы Моя, да не покрывает студа своего: |
2:10 | и ныне открыю нечистоту ея пред похотниками ея, и никтоже отимет ея от руки Моея: |
2:11 | и отвращу вся веселия ея и праздники ея, и новомесячия ея и субботы ея и вся празднества ея, |
2:12 См.: 🔗Иоил. 1:12 🔗Ос. 5:9 | и погублю виноград ея и смоквы ея, о нихже рече: мзды ми суть сия, яже даша мне похотницы мои: и положу я в свидение, и поядят я зверие селнии и птицы небесныя и гади земнии: |
2:13 См.: 🔗Иер. 2:32 | и отмщу на ней дни Ваалимовы, в няже требы кладяше им, и вдеваше усерязи своя и мониста своя, и хождаше вслед похотников своих, а Мене забы, глаголет Господь. |
2:14 | Сего ради, се, Аз соблажню ю, и учиню ю яко пустыню, и возглаголю в сердце ея, |
2:15 | и дам ей притяжание ея оттуду и поляну Ахорову, отверсти смысл ея: и смирится тамо по днем детства своего и по днем изведения своего от земли Египетски. |
2:16 | И будет в той день, наречет Мя муж мой, глаголет Господь, а не прозовет Мене ктому Ваалим. |
2:17 См.: 🔗Исх. 23:13 🔗Втор. 12:3 | И отвергу имена Ваалимля от уст ея, и не воспомянутся ксему имена их. |
2:18 См.: 🔗Иов. 5:23 🔗Иез. 34:25 | И завещаю им завет в той день со зверьми селными и со птицами небесными и с гады земными, и лук и мечь и брань сокрушу от земли, и вселю я со упованием: |
2:19 | и обручу тя Себе во век и обручу тя Себе в правде и в суде и в милости и в щедротах: |
2:20 См.: 🔗Ис. 53:11 🔗Ин. 17:3 | и обручу тя Себе в вере, и увеси Господа. |
2:21 | И будет в той день, глаголет Господь, послушаю небесе, а оное послушает земли, |
2:22 См.: 🔗Иоил. 3:18 🔗Ам. 9:14 | и земля послушает пшеницы и вина и масла, и сии послушают Иезраеля: |
2:23 См.: 🔗Ос. 1:10 | и всею оную Себе на земли и помилую Непомилованную: и реку не людем Моим: людие Мои есте вы: и тии рекут: Господь Бог наш Ты еси. |