Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 47 | |
47:1 См.: 🔗2Цар. 7:3 🔗1Пар. 17:2 | И по сем воста Нафан пророчествовати во дни Давидовы. |
47:2 | Якоже тук отлучен от жертвы мирныя, тако Давид от сынов Израилевых. |
47:3 См.: 🔗1Цар. 17:34 | Со львы играше яко с козлищи и с медведми яко со агнцы овчими. |
47:4 См.: 🔗1Цар. 17:49 | Во юности своей не убил ли исполина, и отят поношение от людий, |
47:5 | егда простре руку с каменем из пращи низложити гордыню Голиафову? |
47:6 | Призва бо Господа Вышняго, и вдаде в десницу его крепость низложити человека сильна на брани, вознести рог людий своих. |
47:7 См.: 🔗1Цар. 18:7 | Сице во тмах прослави его и восхвали его во благословениих Господних, внегда носити ему венец славы. |
47:8 См.: 🔗2Цар. 8:1 | Потреби бо враги окрест и уничижи Филистимляны противники: даже доднесь сокруши им рог. |
47:9 | Во всяцем деле своем даде исповедание Святому Вышнему глаголом славы: |
47:10 См.: 🔗2Цар. 23:1 | всем сердцем своим восхвали и возлюби Сотворшаго и. |
47:11 См.: 🔗1Пар. 25:1 | И постави певцы прямо олтареви, и звуком их услаждати пение. |
47:12 См.: 🔗1Пар. 16:4 | Даде во праздницех благолепие и украси времена даже до скончания, внегда воспевати им имя святое Его и от утра гласити во святилищи. |
47:13 См.: 🔗2Цар. 12:13 | Господь отя грехи его и вознесе во век рог его, и даде ему завет царский и престол славы во Израили. |
47:14 См.: 🔗3Цар. 1:35 | По сем воста сын разумичен и сего ради обита в пространстве: |
47:15 См.: 🔗3Цар. 2:12 🔗3Цар. 5:4 | Соломон воцарися во днех мира, яко Бог препокои окрест, да созиждет дом во имя Его и да уготовит святилище во век. |
47:16 См.: 🔗3Цар. 4:29 | Коль преумудрился еси во юности своей и наполнился еси яко река разума. |
47:17 См.: 🔗3Цар. 4:32 | Землю покры душа твоя, и исполнил еси притчами гаданий: |
47:18 См.: 🔗3Цар. 10:1 | пройде имя твое во островы далече, и возлюблен был еси в мире твоем. |
47:19 | В песнех и паримиах и во притчах и во сказаниих удивишася тебе страны. |
47:20 | Именем Господа Бога, нареченнаго Бога Израилева, |
47:21 См.: 🔗3Цар. 10:27 | собрал еси яко медь злато и яко олово умножил еси сребро. |
47:22 См.: 🔗3Цар. 11:1 | Вдал еси бока твоя женам и поработился еси телом твоим: |
47:23 См.: 🔗3Цар. 12:16 | дал еси порок славе твоей и осквернил еси семя твое, нанести гнев на чада твоя, и умилитися о безумии твоем: еже разделитися на двое царству, и от Ефрема начатися царству непокориву. |
47:24 | Господь же не оставит милости Своея и не растлит от дел Своих, ниже истребит избраннаго Своего изчадий и семя возлюбившаго Его не измет. |
47:25 | И Иакову даде останок, и Давиду от него корень. |
47:26 См.: 🔗3Цар. 11:43 | И почи Соломон со отцы своими |
47:27 См.: 🔗3Цар. 12:13 | и остави по себе от семене своего людем безумие, |
47:28 | и умаляющася разумом Ровоама, иже отстави люди от совета своего, |
47:29 См.: 🔗3Цар. 12:28 | и Иеровоама сына Наватова, иже сотвори согрешити Израилю и даде Ефрему путь ко греху. |
47:30 См.: 🔗Втор. 4:26 | И умножишася греси их зело, отступити им от земли своея: |
47:31 | и всяко лукавство изыскаша, дондеже месть прииде на ня. |