Книга пророка Осии, глава 8

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 8
8:1 См.: 🔗Ис. 58:1 🔗Втор. 28:49 🔗Иер. 48:40	В недре их, яко земля непроходима, яко орел в дому Господни: понеже преступиша завет Мой и на закон Мой нечествоваша.
8:2	Ко Мне воззовут: Боже, познахом Тя,
8:3 См.: 🔗Ос. 6:7	яко Израиль отвратися благих, врага прогнаша.
8:4 См.: 🔗1Цар. 8:5 🔗3Цар. 12:20 🔗Ос. 2:8	Сами себе царя поставиша, а не Мною, началствоваша, и не явиша Ми: от сребра своего и от злата своего сотвориша себе кумиры, яко да потребятся.
8:5 См.: 🔗3Цар. 12:28 🔗Ос. 10:5	Сокруши телца твоего, Самарие, разгневася ярость Моя на ня: доколе не могут очиститися, иже во Израили?
8:6 См.: 🔗Иер. 10:8 🔗Деян. 19:26	И то древодель сотвори, и несть бог: зане льстяй бяше телец твой, Самарие.
8:7	Яко ветром истлено всеяша, и разрушение их приимет я: рукоять не имущая силы еже сотворити муку, аще же и сотворит, то чуждии поядят ю.
8:8 См.: 🔗Иер. 22:28	Поглощен бысть Израиль, ныне бысть во языцех яко сосуд непотребен,
8:9 См.: 🔗4Цар. 16:7 🔗Иер. 2:24	понеже тии взыдоша ко Ассирианом: процвете о себе Ефрем, дары возлюби.
8:10 См.: 🔗4Цар. 15:19	Сего ради предадутся во языки: ныне восприиму их, и почиют мало еже помазати царя и князи.
8:11 См.: 🔗Иер. 11:13	Яко умножи Ефрем требища, во грехи быша ему требища возлюбленная.
8:12 См.: 🔗Ис. 42:20	Впишу ему множество, и законная его в чуждая вменишася требища возлюбленная.
8:13 См.: 🔗Ис. 1:11 🔗Иер. 6:20 🔗Ам. 5:21	Темже аще и пожрут жертву и снедят мяса, Господь не приимет их: ныне помянет неправды их и отмстит грехи их: тии во Египет возвратишася и во Ассирии нечистая снедят.
8:14 См.: 🔗Втор. 32:15 🔗4Цар. 25:9 🔗Иер. 17:27	И забы Израиль Сотворшаго и и возгради требища, и Иуда умножи грады утверждены: но послю огнь на грады его, и потребит основания его.